«Saqtansań, saqtaımyn» degen beker aıtylmaǵan ǵoı... Taraz qalasynyń turǵyny Jambyl aýdany, Shóldala aýylyndaǵy saıajaıyna ketip bara jatyp, jol-jónekeı propan gazy toltyrylǵan eki ballon satyp alypty. Ekeýin de júksalǵyshqa artyp, biraz jol júrgennen keıin kólik salonynda suıyq gazdyń ıisi shyǵyp jatqanyn baıqaǵan. Toqtaı qalyp tekserip kóredi. Pálendeı aqaý joq. Bári durys sııaqty. Eki ballonnyń da aýyzyn jaqsylap bekitip, saparyn ári qaraı jalǵastyrady.
Biraq kóp uzamaı-aq júksalǵyshtan órt lap ete qalady. Júrgizýshi órtti sóndirýdiń bar amalyn jasaıdy, biraq birte-birte kúsheıip, tilsiz jaý búkil salonǵa jaıylǵan. Abyroı bolǵanda, Jambyl aýdandyq IIB men tótenshe jaǵdaılar jónindegi qyzmet brıgadasy jedel jetip, kóliktiń qatty jalynnan jarylyp ketýine jol bermedi.
Oralhan DÁÝIT,
«Egemen Qazaqstan»
Jambyl oblysy