[caption id="attachment_52327" align="aligncenter" width="560"] Foto: confederation.kz[/caption]
Astanada Grek-rım, erkin jáne áıelder kúresi federasııasynyń Atqarýshy komıteti bıýrosynyń kezekti otyrysy ótti.
Jıynda kúres túrlerinen ulttyq qurama komandanyń Olımpııa oıyndaryna daıyndyǵy qaraldy. Onda bas jattyqtyrýshylar oqý-jattyǵý jıyndary men palýandardyń jaǵdaıy týraly aıtyp berdi. Grek-rım kúresinen komandanyń bas jattyqtyrýshysy Tańat Saǵyndyqov sońǵy jattyǵý jıyndarynyń Almaty oblysynda ótip jatqanyn, sportshylarǵa Olımpıadaǵa daıyndalý úshin barlyq jaǵdaıdyń jasalǵanyn atap ótti. Osy jerde ol aýyr salmaqtaǵy palýan Nurmahan Tynalıevpen birge jarysqa London Olımpıaldasynyń júldegeri, lıtvalyq Mındaýgas Mızgaıtıs pen Olımpıada oıyndaryna qatysqan taǵy bir palýan belarýs Iosıf Chýgoshvılıdiń daıyndalyp jatqanyn aıtty.
«Nurmahannyń shetel palýandarymen kúresip, kúshin ysnap jatqany óte durys boldy. Bul sportshylardy elimizge Mádenıet jáne sport mınıstrligi, Sporttyq jekpe-jek jáne kúsh qoldanatyn sport túrleri konfederasııasy shaqyrdy», dedi ol. Sonymen birge jıynda erkin kúresten ulttyq quramanyń bas jattyqtyrýshysy Sergeı Beloglazov ta óz sportshylardyń daıyndyǵynyń jaqsy ótip jatqandyǵyn habarlady. Ol jeńil salmaqtaǵy Nurıslam Sanaevqa da Reseı Federasııasynan birneshe sparrıng-seriktestiń kelgendigin atap ótti.
Jıynda áıelder qurama komandasynyń jetekshisi Qaırat Saǵadıevtiń de esebi tyńdaldy. Ol áıelder quramasynyń Olımpıadaǵa tolyǵymen daıyn ekendigin jetkizdi. Osydan keıin Olımpııa oıyndaryna qatysatyn ulttyq quramany bekitý máselesi talqylandy. Sońynan ulttyq quramanyń naqty tizimin bekitildi.
Bıýro otyrysynda jattyqtyrýshylar keńesi, komandalyq tártip jáne antı-dopıng máselesi týraly da áńgime qozǵaldy. Onda antı-dopıng erejelerin buzǵan sportshylarǵa eń qatań jaza qoldanylatyny eskertildi.
Dastan KENJALIN