[caption id="attachment_53780" align="aligncenter" width="560"] Foto: tass.ru[/caption]
Aýǵanstan Dúnıejúzilik saýda uıymyna (DSU) kirip, onyń 164-múshesi atandy.
Bul týraly TASS aqparat agenttigi habarlady. Aýǵanstan DSU shtab páterine hattamany parlamenttiń ratıfıkasııalaǵany týraly qujatty 30 maýsymda tapsyrǵan bolatyn.
Bul eldiń DSU-ǵa kirý jónindegi kelissózderi 2004 jyly bastalyp, 2015 jyldyń qarashasynda aıaqtaldy. Al 17 jeltoqsanda Naırobıde ótken DSU mınıstrlik konferensııasy kezinde uıymǵa kirý týraly hattamaǵa qol qoıyldy. El parlamenti bul qujatty 18 maýsymda ratıfıkasııalady.
Birikken Ulttar Uıymynyń aqparyna sáıkes, álemde neǵurlym az damyǵan 48 memleket bar. Aýǵanstan osy elderdiń ishinen Dúnıejúzilik saýda uıymyna múshe bolǵan 9-shy el atandy. Qazirgi tańda taǵy 19 memleket Dúnıejúzilik saýda uıymyna qosylý týraly kelissóz júrgizip jatyr.
Aıta keteıik, Dúnıejúzilik saýda uıymy – halyqaralyq saýda erejelerin lıberalızm prınsıpterine qaraı retteıtin halyqaralyq ekonomıkalyq uıym.
Aıan ÁBDÝÁLI