[caption id="attachment_55148" align="aligncenter" width="560"] Foto: alau.kz[/caption]
inform.kz-tiń habarlaýynsha, Qazaqstannyń batysynda jáne shyǵysynda atmosferalyq aǵyndardyń ótýimen naızaǵaı oınap, jańbyrly aýa raıy saqtalady. Al elimizdiń qalǵan óńirlerinde kún raıy ashyq bolady. Soltústikte keı jerlerde tuman túsip, jel kúsheıedi, ońtústikte shańdy daýyl kóteriledi. Shyǵysta kúndiz burshaq jaýýy yqtımal.
Shyǵys Qazaqstan oblysynda keı jerlerde naızaǵaı oınaıdy, jel 15-20 m/s-qa deıin kúsheıedi. Batys Qazaqstan, Pavlodar, Atyraý oblystarynyń keıbir jerlerinde jeldiń jyldamdyǵy 15-20 m/s-qa deıin jetedi. Jambyl oblysynda jeldiń kúshi 15-20 m/s-qa jetip, shańdy daýyl kóteriledi. Soltústik Qazaqstan oblysynda túnde jáne tańerteń tuman túsedi.
Kúndiz Mańǵystaý, Atyraý, Batys Qazaqstan, Aqtóbe, oblystarynda, Qostanaı, Qaraǵandy oblystarynyń keı jerlerinde aptap ystyq saqtalady. Qyzylorda, Ońtústik Qazaqstan, Jambyl oblystarynyń keı jerlerinde tótenshe órt qaýpi joǵary bolady.
Talǵat RAIYMBEK