Tasmanııa ýnıversıtetiniń zertteýshileri áleýmettik jeliniń adamdarǵa tıgizetin eń basty zııanyn anyqtady.
Áleýmettik jelini qoldanýshylardyń arasynda zertteý júrgizgen mamandar adamdardyń ár akkaýntta ózderiniń tabıǵı bolmys-bitimin túrlishe kórsetýge tyrysatynyna, al ómirde múlde basqasha adam bolyp shyǵatynyna kóz jetkizipti.
– Olar ózderin vırtýaldy álemdegi «dostaryna» tartymdy etip kórsetýge tyrysady. Bir akkaýntta salmaqty, sabyrly bolýǵa tyryssa, endi bir akkaýntta kóńildi, ashyq minezdi adam retinde tanylýǵa qumartady. Ondaı adamdar shynaıy ómirde adamdarmen aralasýda, til tabysýda qınalady. Aqyr sońynda kúızeliske ushyraýy ábden múmkin, – deıdi ǵalymdar.
Mamandardyń aıtýynsha, adamdarǵa vırtýaldy ómirde de, shynaıy álemde de ózderin birqalypty ustaýǵa kómektesetin tıisti usynystar ázirleý kerek. Áıtpese, kúızeliske túsken adamdar kóbeıe beredi.
Nurıslam ASQAR