Ulttyq qaýipsizdik komıtetiniń qyzmetkerleri Almaty oblysynda arnaıy operasııa júrgizip, elimiz aýmaǵynda terrorıstik aktiler serııasyn uıymdastyrýdy josparlaǵan radıkaldy toptyń 4 múshesin qolǵa túsirdi, dep habarlady atalmysh komıtettiń baspasóz qyzmetine silteme jasaǵan kaztrk.kz
Kúdiktiler Qazaqstan men Qyrǵyzstan azamattary bolyp shyqty. Olar turyp jatqan jerden jarylǵysh zattar jasaýǵa arnalǵan qurylǵylar men dinı-ekstremıstik baǵyttaǵy materıaldar tabylǵan.
Derekkózdiń málimetinshe, kúdiktilerdiń Ulttyq qaýipsizdik komıtetine, polısııa jáne áskerı bólimshe qyzmetkerlerine qarýly shabýyl jasaý josparlarynyń joly kesilgen. Olar sondaı-aq halyq kóp shoǵyrlanatyn jerlerde de túrli jarylystar uıymdastyrýdy josparlaǵan kórinedi.
Qazirgi tańda osy is boıynsha, tergeý jáne jedel-izdestirý is-sharalary júrip jatyr.
Aıdar О́RISBAEV