Premer-Mınıstr Kárim Másimov Jambyl oblysy Jýaly aýdanynda ornalasqan elimizdegi eń iri kún elektr stansııasyna bardy, dep habarlady pm.kz
Seriktestik dırektory N.Qapenovtiń aıtýynsha, atalǵan joba Indýstrııalandyrý kartasynyń ekinshi besjyldyǵyna engizilgen jáne Qazaqstanda jańartylǵan energııa kózderin damytý aıasynda júzege asyrylyp jatyr. Elektr stansııasy aýmaǵynda 192 myń kún paneli ornatylǵan, olar jylyna ortasha eseppen 73 mln kılovatt-saǵat elektr energııasyn óndirýge eseptelgen. 2016 jyldyń alǵashqy toqsanynda kún elektr stansııasy 20 mln kVt/saǵ energııa jınaǵan.
Jambyl oblysynda balamaly energııa kózderin shyǵaratyn jalpy sany 9 joba jumys istep tur: tórt GES, jalpy qýaty 114,05 MVt quraıtyn úsh jel jáne eki kún elektr stansııasy. 2016 jyldyń alǵashqy 6 aıynda barlyǵy 104,08 mln kVt-saǵ energııa óndirildi.
Aıdar О́RISBAEV