2015 jylǵy 30 naýryz, Astana qalasy
Qazaqstan Respýblıkasy Ulttyq ekonomıka mınıstrligi Statıstıka komıtetiniń reglamentin bekitý týraly
«Ákimshilik rásimder týraly» Qazaqstan Respýblıkasynyń 2000 jylǵy 27 qarashadaǵy Zańynyń 9-1-babynyń 1-tarmaǵyna sáıkes buıyramyn:
1. Qosa berilip otyrǵan Qazaqstan Respýblıkasy Ulttyq ekonomıka mınıstrligi Statıstıka komıtetiniń reglamenti bekitilsin.
2. Qazaqstan Respýblıkasy Ulttyq ekonomıka mınıstrligi Statıstıka komıtetiniń Zań basqarmasy zańnamada belgilengen tártipte:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on kúntizbelik merzimde baspasóz basylymdarynda, sonymen qosa «Ádilet» aqparattyq-quqyqtyq júıesinde resmı jarııalaýǵa jiberilýin qamtamasyz etsin.
3. Osy buıryqtyń oryndalýyn baqylaýdy ózime qaldyramyn.
4. Osy buıryq memlekettik tirkelgen kúninen bastap qoldanysqa engiziledi jáne resmı jarııalaýǵa jatady.
Tóraǵa Á.SMAIYLOV
Qazaqstan Respýblıkasy Ulttyq ekonomıka mınıstrligi Statıstıka komıteti tóraǵasynyń 2015 jylǵy 30 naýryzdaǵy №52 buıryǵymen bekitilgen
Qazaqstan Respýblıkasy Ulttyq ekonomıka
mınıstrligi Statıstıka komıtetiniń reglamenti
1. Jalpy erejeler
1. Qazaqstan Respýblıkasy Ulttyq ekonomıka mınıstrligi Statıstıka komıtetiniń Osy reglamenti (budan ári - Reglament) Qazaqstan Respýblıkasynyń Konstıtýsııasyna, zańdarǵa, Qazaqstan Respýblıkasy Prezıdentiniń, Qazaqstan Respýblıkasy Úkimetiniń aktilerine, Qazaqstan Respýblıkasy Úkimetiniń 2014 jylǵy 24 qyrkúıektegi №1011 qaýlysymen bekitilgen Qazaqstan Respýblıkasy Ulttyq ekonomıka mınıstrligi týraly erejege (budan ári – UEM týraly ereje), Qazaqstan Respýblıkasy Ulttyq ekonomıka mınıstriniń 2014 jylǵy 30 qyrkúıektegi №33 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde №9779 bolyp tirkelgen) Qazaqstan Respýblıkasy Ulttyq ekonomıka mınıstrligi Statıstıka komıteti (budan ári – Komıtet) týraly erejege (budan ári – Komıtet týraly ereje) jáne Qazaqstan Respýblıkasynyń ózge de normatıvtik quqyqtyq aktilerine sáıkes ózine júktelgen fýnksııalardy oryndaý prosesinde Komıtet qyzmetiniń jalpy qaǵıdalaryn belgileıdi.
2. Osy Reglamentte belgilengen qujattarmen jumys isteýge qoıylatyn talaptar, merzimder Komıtettiń jáne onyń aýmaqtyq organdarynyń, vedomstvolyq baǵynystaǵy uıymdarynyń barlyq qyzmetkerlerine qoldanylady.
3. Qupııa emes is qaǵazdaryn uıymdastyrý men júrgizý, hat-habarlardy qabyldaý, óńdeý jáne taratý, sonyń ishinde elektrondyq qujat aınalymyn júrgizý Qazaqstan Respýblıkasynyń «Normatıvtik quqyqtyq aktiler týraly» 1998 jylǵy 24 naýryzdaǵy (budan ári – «NQA týraly» Zań), «Ákimshilik rásimder týraly» 2000 jylǵy 27 qarashadaǵy (budan ári - «Ákimshilik rásimder týraly» Zań), «Elektrondyq qujat jáne elektrondyq sıfrlyq qoltańba týraly» 2003 jylǵy 7 qańtardaǵy, «Jeke jáne zańdy tulǵalardyń ótinishterin qaraý tártibi týraly» 2007 jylǵy 12 qańtardaǵy (budan ári – «О́tinishterdi qaraý týraly» Zań) zańdarynyń, «Memlekettik jáne memlekettik emes uıymdarda qujattama jasaýdyń jáne qujattamany basqarýdyń úlgilik qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 21 jeltoqsandaǵy № 1570 qaýlysynyń talaptaryna jáne Qazaqstan Respýblıkasynyń ózge de normatıvtik quqyqtyq aktilerine sáıkes osy reglamentpen aıqyndalady.
Qupııa is qaǵazdaryn uıymdastyrý jáne júrgizý «Memlekettik qupııalar týraly» 1999 jylǵy 15 naýryzdaǵy Qazaqstan Respýblıkasynyń Zańyna, Qazaqstan Respýblıkasy Úkimetiniń qaýlysymen bekitilgen Qazaqstan Respýblıkasynda qupııalylyq rejımin qamtamasyz etý jónindegi nusqaýlyqqa sáıkes júzege asyrylady.
4. Komıtet apparatynda jumys ýaqytynyń uzaqtyǵy segiz saǵat bolǵan kezde, jumystyń bastalýy 9 saǵat 00 mınýt, jumystyń aıaqtalýy – 18 saǵat 30 mınýt dep belgilengen. Túski úzilis saǵat 13.00-den saǵat 14.30-ǵa deıin.
Aýmaqtyq organdarda jumys ýaqytynyń uzaqtyǵy segiz saǵat bolǵan kezde, jumystyń bastalýy 9 saǵat 00 mınýt, jumystyń aıaqtalýy – 18 saǵat 00 mınýt dep belgilengen. Túski úzilis saǵat 13.00-den saǵat 14.00-ǵa deıin.
Alǵashqy statıstıkalyq derekterdi jınaý boıynsha respondenttermen telefon arqaly pikirterim júrgizetin aýmaqtyq organ qyzmetkerleri úshin aýmaqtyq organ basshysynyń quqyqtyq aktisimen yńǵaıly jumys rejımi belgilenedi.
2. Jumysty josparlaý
5. Komıtette jumysty josparlaý Qazaqstan Respýblıkasynyń strategııalyq jáne baǵdarlamalyq qujattaryna, Qazaqstan Respýblıkasy Ulttyq ekonomıka mınıstrliginiń besjyldyq kezeńge arnalǵan Ctrategııalyq josparyna (budan ári – Strategııalyq jospar), Qazaqstan Respýblıkasy Ulttyq ekonomıka mınıstrliginiń operasııalyq josparyna (budan ári - Operasııalyq jospar), tıisti jylǵa arnalǵan Statıstıkalyq jumystar josparyna, UEM týraly erejege, Komıtet týraly erejege, joǵary turǵan organdardyń tapsyrmalaryna negizdeledi.
6. Strategııalyq josparda kózdelgen memlekettik statıstıka salasyndaǵy nysanaly ındıkatorlarǵa jáne mindetterdiń tikeleı nátıjeleriniń kórsetkishterine qol jetkizý Komıtettiń qurylymdyq bólimsheleriniń birinshi kezektegi mindeti bolyp tabylady.
7. Komıtet jyl saıyn Strategııalyq jospardy iske asyrý úshin bekitiletin Operasııalyq josparǵa óz quzyreti sheginde usynystar engizedi.
8. О́tken jyldyń qorytyndylary boıynsha óz quzyreti sheginde Strategııalyq jospardyń nysanaly ındıkatorlarynyń jáne tikeleı nátıjeler kórsetkishteriniń iske asyrylý barysy týraly Mınıstrlikke esep tapsyrady.
9. Komıtettiń qurylymdyq jáne aýmaqtyq bólimsheleri jyl saıyn bekitilgen Operasııalyq jospardyń jáne Statıstıkalyq jumystar josparynyń, sondaı-aq ózge de tapsyrmalardyń negizinde Komıtet tóraǵasy bekitetin jumys josparyn ázirleıdi.
10. Strategııalyq jáne Operasııalyq josparlarda bekitý úshin memlekettik statıstıka salasyndaǵy is-sharalardy ázirleý, iske asyrý, monıtorıngileý, taldaý, túzetý jónindegi jumysty úılestirýdi statıstıkalyq qyzmetti josparlaýǵa jaýapty qurylymdyq bólimshe júzege asyrady.
11. Memlekettik statıstıka salasyndaǵy is-sharalardy Operasııalyq jospardan alyp tastaý nemese tolyqtyrý, olardyń oryndalý merzimderin aýystyrý týraly, aıaqtalý nysanyn jáne/nemese jaýapty oryndaýshyny ózgertý boıynsha sheshimdi jetekshilik etetin vıse-mınıstrmen kelisilgen Komıtettiń qyzmettik jazbasynyń negizinde jaýapty hatshy qabyldaıdy.
Qyzmettik jazba jaýapty hatshyǵa is-sharany oryndaýdyń belgilengen merzimine deıin keminde kúntizbelik 15 (on bes) kún buryn beriledi.
3. Komıtettiń keńeıtilgen otyrystaryn josparlaý, daıyndaý jáne ótkizý tártibi
12. Komıtet qurylymdyq bólimshelerdiń, aýmaqtyq organdardyń jáne vedomstvoǵa baǵynysty uıym basshylarynyń qatysýymen toqsan saıyn Komıtettiń keńeıtilgen otyrysyn ótkizedi.
13. Esepti jylǵa Komıtet qyzmetiniń nátıjeleri jáne aldaǵy jylǵa arnalǵan negizgi mindetteri boıynsha keńeıtilgen otyrysy Qazaqstan Respýblıkasynyń Ulttyq ekonomıka mınıstriniń (budan ári -Mınıstr), jetekshilik etetin vıse-mınıstrdiń qatysýymen ótkiziledi.
14. Komıtet tóraǵasy aptasyna bir ret dúısenbi saıyn Komıtettiń quzyretine kiretin máseleler boıynsha, Komıtetke júktelgen is-sharalardy iske asyrý boıynsha, sondaı-aq eńbek jáne atqarýshylyq tártipti saqtaý jáne basqa da máseleler boıynsha qurylymdyq bólimshelerdiń basshylarymen apparattyq keńes ótkizedi.
Qurylymdyq bólimshelerdiń basshylary bolmaǵanda olardyń ornyn aýystyratyn tulǵalar qatysady.
Qurylymdyq bólimsheler qatysatyn qurylymdyq bólimshelerdiń kópshiligine qatysty máselelerdi apparattyq keńeske shyǵarady.
15. Qajettiligine qaraı Komıtet basshylyǵynyń nemese qurylymdyq bólimsheler basshylarynyń bastamasymen ózge de máseleler boıynsha keńester ótkiziledi.
3. Aýmaqtyq organdarmen, vedomstvoǵa baǵynysty uıymmen ózara is-qımyl
16. Komıtet aýmaqtyq organdarǵa basshylyq etýdi júzege asyrady, Strategııalyq josparda, Operasııalyq josparda, sondaı-aq aǵymdaǵy jylǵa bekitilgen Statıstıkalyq jumystar josparynda qarastyrylǵan memlekettik statıstıka salasyndaǵy nysanaly ındıkatorlarǵa jáne mindetterdiń tikeleı nátıjeleri kórsetkishterine sáıkes olardy damytýdyń negizgi baǵyttaryn aıqyndaıdy.
Aýmaqtyq organdardan túsken qujattarmen jáne materıaldarmen jumys isteý erekshelikteri osy Reglamentpen belgilenedi.
17. Aýmaqtyq organdardyń qyzmetine qatysty máseleler boıynsha Komıtet basshylyǵynyń tapsyrmalary olarmen tapsyrmada belgilengen merzimderde oryndalady.
18. Komıtet basshylyǵynyń tapsyrmalaryn aýmaqtyq organdarǵa deıin jetkizý Komıtettiń qujattamalyq qamtamasyz etý qyzmetimen júzege asyrylady.
19. Komıtet basshylyǵynyń tapsyrmalaryn oryndaý barysynda aýmaqtyq organdar Komıtettiń qurylymdyq bólimshelerimen ózara is-qımyl júrgizedi.
20. Komıtetpen Qazaqstan Respýblıkasynyń zańnamasyna sáıkes aýmaqtyq organdarǵa qatysty azamattar men uıymdardyń shaǵymdary boıynsha tekserýler uıymdastyrylady.
21. Komıtet sharttyq mindettemelerdiń negizinde vedomstvoǵa baǵynysty uıymmen ózara is-qımyl júrgizedi.
Alǵa qoıylǵan mindetterdi oryndaýda vedomstvoǵa baǵynysty uıymmen yntymaqtastyqqa qajettilik bolǵanda Komıtet vedomstvoǵa baǵynysty uıymnyń qyzmetkerlerin tarta otyryp jumys tobyn qurady.
22. Eger agregattalǵan statıstıkalyq derekterdi túzý jáne olardy paıdalanýshylarǵa tapsyrý merzimi aıaqtalǵannan keıin respondentter usynǵan statıstıkalyq nysandardaǵy alǵashqy statıstıkalyq derekterdiń burmalanýy, sondaı-aq aýmaqtyq organdardyń nemese vedomstvoǵa baǵynysty uıymnyń derekterdi óńdeý kezinde oǵan jol berýi anyqtalǵan jaǵdaıda, aýmaqtyq organ nemese vedomstvoǵa baǵynysty uıym zańnamada belgilengen tártipte ótken kezeńdegi derekterdi túzetý qajettiliginiń sebepterin kórsete otyryp Komıtetke resmı hat joldaıdy. Alǵashqy nemese agregattalǵan statıstıkalyq derekterge túzetý engizý týraly Komıtettiń sheshimi bolǵan jaǵdaıda vedomstvoǵa baǵynysty uıymǵa Komıtet tóraǵasynyń jetekshilik etetin orynbasarynyń qolymen statıstıkalyq nysandar boıynsha túzetilgen alǵashqy statıstıkalyq derekterdi qaıta qabyldaý, agregattalǵan derekterdi qaıta qalyptastyrý jáne statıstıkalyq jarııalanymdarǵa ózgeris engizý týraly hat joldanady.
4. Kiris jáne shyǵys hat-habarlardy resimdeý, ótkizý, qaraý
23. Komıtette is júrgizý, Komıtetke kelip túsetin hat-habarlardy óńdeý, tirkeý, jóneltýdi (jetkizýdi) qujattamalyq qamtamasyz etý qyzmeti Qazaqstan Respýblıkasynyń «Qazaqstan Respýblıkasyndaǵy til týraly» 1997 jylǵy 11 shildedegi (budan ári – «Til týraly» Zań), «Ákimshilik rásimder týraly», О́tinishterdi qaraý týraly» zańdaryna jáne osy Reglamentke sáıkes júzege asyrady.
24. Qazaqstan Respýblıkasy Prezıdentiniń Ákimshiliginen, Qazaqstan Respýblıkasynyń Parlamentinen jáne Qazaqstan Respýblıkasy Premer-Mınıstriniń Keńsesinen kelip túsetin hat-habarlardy qospaǵanda, kiris hat-habarlary saǵat 9.00-den 17.00-ge deıin qabyldanady jáne qujattamalyq qamtamasyz etý qyzmetimen tirkeledi.
25. Qazaqstan Respýblıkasy Prezıdentiniń Ákimshiliginen, Qazaqstan Respýblıkasynyń Parlamentinen jáne Qazaqstan Respýblıkasy Premer-Mınıstriniń Keńsesinen kelip túsetin hat-habarlar jumys kúnderi saǵat 20.00-ge deıin, senbi kúnderi – 17.00-ge deıin, qujattamalyq qamtamasyz etý qyzmeti qyzmetkerleriniń arasynda kezekshilikti engizý jolymen qabyldanady.
26. Komıtet qyzmetkerleriniń qujattamalyq qamtamasyz etý qyzmetinde tirkelmegen qujattardy qabyldaýǵa quqyǵy joq.
27. Qujattamalyq qamtamasyz etý qyzmetinde «Jeke ózine» belgisi bar konvertterdi qospaǵanda barlyq konvertter ashýǵa jatady. «Jeke ózine» belgisimen qabyldanǵan konvertter adresatqa ashylmaı jiberiledi. Eger adresatpen «Jeke ózine» belgisi bar konvert ashylǵannan keıin onda qyzmettik sıpattaǵy qujat nemese ótinish bolǵan jaǵdaıda, onda olar tirkeý úshin qujattamalyq qamtamasyz etý qyzmetine dereý beriledi.
28. Qazaqstan Respýblıkasy Prezıdenti Ákimshiliginiń, Qazaqstan Respýblıkasy Parlamentiniń, Qazaqstan Respýblıkasy Premer-Mınıstri Keńsesiniń hat-habarlarynan basqa, osy Reglamenttiń talaptaryn buza otyryp resimdelgen kiris hat-habarlary qabyldanbaıdy jáne Komıtettiń qujattamalyq qamtamasyz etý qyzmetimen tıisti memlekettik organǵa sol kúni keri qaıtarylady.
Komıtetke kelip túsken hat-habarlar qabyldanǵan kúni men ýaqytyn kórsete otyryp, qol qoıý arqyly qabyldanady.
29. Memlekettik organdardan qaǵaz jáne elektrondyq jetkizgishterde kelip túsken qujattar birdeı bolýy jáne tıisti eltańbalyq blankide resimdelýi tıis jáne mynadaı mindetti derektemelerdi:
shyǵys nómiri jáne kúnin;
Qazaqstan Respýblıkasy Prezıdentiniń, Qazaqstan Respýblıkasy Prezıdenti Ákimshiliginiń, Qazaqstan Respýblıkasy Parlamentiniń, Qazaqstan Respýblıkasy Úkimeti men Premer-Mınıstriniń, onyń orynbasarlarynyń jáne Qazaqstan Respýblıkasy Premer-Mınıstri Keńsesi basshylyǵynyń tıisti aktilerine jáne tapsyrmalaryna, sondaı-aq memlekettik organnyń suraýyna jaýap kezinde Komıtetke bastamashylyq tártippen kelip túsken qujattardy (hattardy), sondaı-aq ýákiletti organnan kelip túsetin hattardy qospaǵanda, suraýdyń nómiri men kúnine siltemeni;
ortalyq memlekettik organ birinshi basshysynyń nemese onyń orynbasarlarynyń ne jaýapty hatshynyń (ne jaýapty hatshynyń ókilettikterin júzege asyratyn ortalyq atqarýshy organnyń laýazymdy tulǵasynyń) qolyn;
oryndaýshynyń tegi jáne onyń telefon nómirin qamtýy tıis.
Bul rette erekshe máni bar máseleler jónindegi elektrondyq qujattar (muraǵattar jáne qujattamany basqarýshy ýákiletti memlekettik organ belgilegen saqtaý merzimimen) qaǵaz jetkizgishterde resimdelýi tıis.
30. Budan buryn tirkelgen kiris qujatyna kelip túsken qujatqa negizgi qujattyń tirkeý nómiri beriledi.
31. Tek qaǵaz jetkizgishte joldanǵan kiris qujaty kelip túskende, memlekettik organ kelip túsken qujatty elektrondyq-sıfrlyq nysanǵa jáne onyń barlyq qosymshalaryn (elektrondyq sıfrlyq qoltańbamen kýálandyrylǵan, elektrondyq qujattyń) bir pishimdegi bir elektrondyq faılǵa jańǵyrtady (skanerleıdi).
32. Qazaqstan Respýblıkasy Ulttyq ekonomıka mınıstrliginiń (budan ári -Mınıstrlik) basshylyǵymen buryshtama jazylǵan syrtqy kiris qujattary qujattamalyq qamtamasyz etý qyzmetine túspesten, Elektrondy qujataınalymynyń biryńǵaı júıesi (budan ári – EQABJ) arqyly Komıtet basshylyǵynyń avtomattandyrylǵan jumys ornyna túsedi.
33. Qupııa hat-habarlar tek memlekettik qupııalardy qorǵaý jónindegi bólimshede óńdeledi.
34. Budan ári tirkeletin qujattar baqylaýǵa qoıylady jáne kelesi úlgide taratylady:
1) Komıtet tóraǵasyna nusqaýlar jáne tapsyrmalar berý úshin qaraýǵa: Qazaqstan Respýblıkasy Prezıdentiniń, Qazaqstan Respýblıkasy Úkimetiniń tapsyrmalary, Qazaqstan Respýblıkasy Parlamenti Senatynyń jáne Májilisiniń hattary, Depýtattyq saýaldar, Memlekettik hatshynyń, Prezıdent Ákimshiligi Basshysynyń, Joǵarǵy Sot Tóraǵasynyń, Respýblıkalyq bıýdjettiń oryndalýyn baqylaý jónindegi esep komıteti tóraǵasynyń, Bas prokýrordyń, Konstıtýsııalyq Keńes Tóraǵasynyń hattary, Tóraǵaǵa jeke jiberilgen hat-habarlar, onyń atyna qyzmettik jazbalar jáne basqa da hat-habarlar jiberiledi;
2) Komıtet tóraǵasynyń orynbasarlaryna qaraýǵa, sondaı-aq nusqaýlar, tapsyrmalar berý jáne baqylaý úshin: tikeleı olarǵa jiberilgen hat-habarlar jáne Komıtet tóraǵasynyń jáne tóraǵa orynbasarlarynyń arasyndaǵy mindetterdiń bólinýine sáıkes olardyń jetekshilik etetin máseleleri boıynsha hat-habarlar jiberiledi.
Shuǵyl hat-habardyń kóshirmesi kelip túsken qujatta qozǵalatyn máseleler quzyretine kiretin qurylymdyq bólimsheniń basshysyna bir mezgilde joldanady.
Hattardy bir qurylymdyq bólimsheden basqasyna qujattamalyq qamtamasyz etý qyzmetine kirmeı, esepke alý kortochkasyna belgilemeı jiberýge qatań tyıym salynady.
35. Basshylyq Tóraǵa nemese onyń orynbasarlary tikeleı jibergen hat-habarlardy qospaǵanda, tirkeýden ótpegen hat-habarlardy qabyldamaıdy. Munyń ózinde Tóraǵa jáne onyń orynbasarlary tikeleı qabyldaǵan hat-habarlar dereý qujattamalyq qamtamasyz etý qyzmetine tirkeýge jiberilýi tıis.
36. Komıtettiń suraýyna «elektrondy qujat» belgisi bar EQABJ arqyly kelip túsken qujattar, sondaı-aq birlesip oryndaýshy memlekettik organdardan kelip túsetin tapsyrmalarǵa hattar tirkeledi jáne qurylymdyq bólimshelerge qaǵaz tasyǵyshta qaıtalaýsyz elektrondy túrde ǵana joldanady.
Qujattyń túpnusqasy Komıtet basshylyǵynyń buryshtamasynda jaýapty oryndaýshy retinde aıqyndalǵan oryndaýshyǵa jiberiledi (tizim boıynsha birinshi nemese qurylymdyq bólimshe ataýynyń janynda «(jınaqtaý)» belgisi turǵan).
37. Qujattamalyq qamtamasyz etý qyzmeti hat-habarlardy tirkeýdi jáne adresattarǵa jetkizýdi jumys kúni ishinde, al shuǵylyn – dereý (kezekten tys tártipte) júzege asyrady.
38. Oryndalýy birneshe qurylymdyq bólimshelerge júktelgen elektrondyq qujattyń kóshirmeleri barlyq oryndaýshylarǵa bir mezgilde jiberiledi
39. Shyǵys hat-habarlaryn daıyndaý, kelisý jáne resimdeý Qazaqstan Respýblıkasynyń «Til týraly», «Ákimshilik rásimder týraly», «О́tinishterdi qaraý týraly» zańdaryna, Qazaqstan Respýblıkasy Úkimetiniń 2002 jylǵy 10 jeltoqsandaǵy № 1300 qaýlysymen bekitilgen Qazaqstan Respýblıkasy Úkimetiniń reglamentine (budan ári – Úkimet reglamenti), Qazaqstan Respýblıkasy Prezıdentiniń Ákimshiligindegi jáne Qazaqstan Respýblıkasy Premer-Mınıstriniń Keńsesindegi is júrgizý jónindegi nusqaýlyqtarǵa jáne osy Reglamentke sáıkes júzege asyrylady.
40. Memlekettik organdarǵa jiberiletin shyǵys hat-habarlary (onyń ishinde elektrondyq qujat formatynda), halyqaralyq organdar men uıymdarǵa nemese halyqaralyq organdar men uıymdar qyzmetiniń máseleleri boıynsha jiberiletin qujattardy qospaǵanda, eltańbalyq blankide memlekettik tilde resimdeledi (qajet bolǵan jaǵdaıda qol qoıylǵan orys tilindegi nusqasy blankisiz qosa beriledi),
41. Komıtettiń qyzmetkerleri qujattyń derektemelerin resimdeý, adresatty kórsetý, sonyń ishinde Qazaqstan Respýblıkasy Prezıdentiniń Ákimshiligine, Qazaqstan Respýblıkasynyń Parlamentine jáne Qazaqstan Respýblıkasy Premer-Mınıstriniń Keńsesine jiberiletin baqylaýdaǵy qujattar jáne saýaldarǵa jaýaptar boıynsha joldanatyn shyǵys hat-habarlardyń elektrondy nusqasynyń durystyǵy men tolyqtyǵyn qamtamasyz etedi.
42. Mınıstrlikpen Elbasynyń, Prezıdent Ákimshiligi, Qazaqstan Respýblıkasy Parlamenti Májilisi basshylyǵynyń tapsyrmalaryna sáıkes statıstıkalyq aqparatty usyný boıynsha Komıtet tóraǵasyna qol qoıý quqyǵyn berýi kezinde Mınıstrliktiń jaýapty hatshysymen kelisý talap etilmeıdi.
43. Mınıstrlik basshylyǵynyń atyna shyǵys hat-habarlar Komıtet tóraǵasynyń nemese ony aýystyratyn tulǵanyń qolymen joldanady.
44. Saqtaý merzimi 5 jyldan asatyn hat-habarlar eki danada daıyndalady jáne eki danada qol qoıylady, munyń ózinde Komıtettiń tıisti qurylymdyq bólimshesindegi aǵymdaǵy muraǵatta saqtalatyn ekinshi danasynda oryndaýshynyń jáne osy qurylymdyq bólimshe basshysynyń qoly qoıylǵan kúni kórsetile otyryp, qoldary qoıylýy tıis. Saqtaý merzimi 5 jylǵa deıingi shyǵys qujattar tek EQABJ-da daıyndalady jáne qol qoıylady.
45. Qazaqstan Respýblıkasy Prezıdenti Ákimshiligine, Qazaqstan Resýpýblıkasynyń Premer-Mınıstri Keńsesine, Qazaqstan Respýblıkasy Parlamentine, basqa memleketterdiń basshylaryna Mınıstrliktiń blankisinde daıyndalady jáne joldanady jáne eki danada Mınıstrdiń nemese ony aýystyratyn tulǵanyń (ol bolmaǵanda – tıisti mindetterdiń oǵan júktelýi týraly buıryqtyń kóshirmesin qosa berýmen ony aýystyratyn tulǵanyń) qoly qoıylady. Ekinshi danasynda oryndaýshynyń, tıisti qurylymdyq bólimshe basshysynyń, jetekshilik etetin tóraǵa orynbasarynyń, Komıtet tóraǵasynyń, Mınıstrliktiń jetekshilik etetin vıse-mınıstriniń qoldary qoıylýy tıis. Kórsetilgen shyǵys qujattar belgilengen tártipte qaǵaz tasyǵyshta jáne EQABJ paıdalanýmen elektrondyq qujattar formatynda joldanady.
46. Shyǵys hat-habarlar, Elbasynyń, Prezıdent Ákimshiligi Basshylyǵynyń tapsyrmalaryna jaýaptar mindetti tártipte jetekshilik etetin vıse-mınıstrmen, Mınıstrliktiń jaýapty hatshysymen kelisiledi.
47. Mınıstrliktiń saýaldaryna jaýaptarǵa, sondaı-aq Mınıstrliktiń Departamentterine jáne Komıtetterine jiberilgen, Komıtet birlesip oryndaýshy bolyp tabylatyn qujattarǵa Komıtet tóraǵasynyń jáne tóraǵa orynbasarlarynyń arasyndaǵy ókilettikterdiń bólinýine sáıkes Komıtet basshylyǵynyń qoly qoıylady.
48. Osy Reglamenttiń 1-qosymshasyna sáıkes resimdelgen shyǵys qujattar qujattamalyq qamtamasyz etý qyzmetine beredi. Jiberilýi kezinde qujat resimdelý durystyǵyna, qosymshasynyń bolýy jáne halyqaralyq organdarǵa jáne uıymdarǵa nemese halyqaralyq organdar men uıymdar qyzmetiniń máseleleri boıynsha joldanatyn qujattardy qospaǵanda, mindetti túrde memlekettik tilde resimdelýine (qosa beriletin qujattar paraqtarynyń nómirlenýimen jáne dáıektelýimen, árbir qosa beriletin qujattyń ataýyn jáne paraq sanyn kórsete otyryp onyń mátininen keıingi ondaǵy paraqtar sanyn, qosymshasynyń qysqasha mazmunyn kórsetýmen) tekseriledi.
49. Shyǵys elektrondy qujattardy ázirleý kezinde Komıtettiń resmı blankilerine sáıkes keletin elektrondy qujattar úlgileri paıdalanylady.
50. Qaǵaz tasyǵyshtaǵy barlyq shyǵys qujattar jiberý úshin qujattamalyq qamtamasyz etý qyzmetine jumys kúnderi saǵat 12.30-ge deıin, al senbi kúnderi saǵat 11.00 deıin tapsyrylady.
51. Qujattamalyq qamtamasyz etý qyzmeti oryndaýshy kórsetken mekenjaılarǵa sáıkes shyǵys hat-habarlarynyń ýaqtyly jiberilýine jaýapty bolady. Tizilimder, bir rettik qolhattar men qujattardy bergeni jáne alǵany týraly esepke alý kitaptary qujattamalyq qamtamasyz etý basqarmasynda aǵymdaǵy jyldy esepke almaǵanda bir jyl boıy saqtalady.
52. Qujatqa jaryqqa tózimdi sııamen qol qoıylady. Qujat kóshirmesine faksımıldi qoıýmen qol qoıýǵa jol berilmeıdi.
53. Ishki qujataınalymy EQABJ-da tek «Qyzmet babynda paıdalaný úshin» belgisi bar qujattardan basqa elektrondy túrde blankterdiń elektrondy úlgilerin paıdalanýsyz qatań túrde memlekettik tilde júzege asyrylady.
54. Komıtettiń qurylymdyq bólimsheleri (Mınıstrliktiń baqylaýdaǵy qujattarynyń qosa oryndaýshylary) Mınıstrliktiń qurylymdyq bólimshesine (negizgi oryndaýshyǵa) Komıtet tóraǵasynyń nemese ony aýystyrýshy tulǵanyń qolymen mynadaı merzimderde jaýap usynady:
1) bir aılyq oryndaý merzimi bar qujattar boıynsha negizgi oryndaýshy úshin belgilengen merzim aıaqtalǵanǵa deıin 7 (jeti) jumys kúni buryn;
2) 20 kúndik oryndaý merzimi bar qujattar boıynsha – 7 (jeti) jumys kúni ishinde;
3) 10 (on) kúndik oryndaý merzimi bar qujattar boıynsha – 5 (bes) jumys kúni ishinde;
4) Qazaqstan Respýblıkasy Premer-Mınıstri ókimderiniń jobalary boıynsha – 2 (eki) jumys kúni ishinde;
5) oryndaý merzimi bir kúnnen bes kúnge deıingi basqa shuǵyl qujattar boıynsha – 1 (bir) jumys kúni ishinde nemese dereý beredi.
55. Qujattamalyq qamtamasyz etý qyzmeti Komıtettiń shyǵys hat-habarlarynyń oryndaýshy kórsetken mekenjaılarǵa sáıkes ýaqtyly jiberilýin júzege asyrady jáne Mınıstrlik basshylyǵymen qol qoıylǵan syrtqy shyǵys hat-habarlardyń «QR UEM» bazasynda tirkelýine jáne jiberilýine derbes jaýapty bolady.
6. Normatıvtik quqyqtyq aktilerdiń jobalaryn daıyndaý,
resimdeý jáne kelisý tártibi
56. Komıtet óz quzyreti sheginde ázirleıtin normatıvtik quqyqtyq aktilerdiń jobalaryn (budan ári – jobalar) daıyndaýdy Qazaqstan Respýblıkasynyń «Til týraly», «NQA týraly» zańdarynyń, «Qazaqstan Respýblıkasy Prezıdentiniń Qazaqstan halqyna joldaýynyń jobasyn daıyndaý, kelisý jáne Qazaqstan Respýblıkasy Prezıdentiniń qaraýyna usyný, Qazaqstan Respýblıkasy Prezıdentiniń aktileri men tapsyrmalarynyń jobalaryn daıyndaý, kelisý, qol qoıýǵa usyný, Qazaqstan Respýblıkasy Prezıdentiniń Qazaqstan halqyna joldaýyn iske asyrý, Qazaqstan Respýblıkasy Prezıdentiniń aktileri men tapsyrmalarynyń oryndalýyn baqylaýdy júzege asyrý jáne Qazaqstan Respýblıkasy Prezıdentiniń normatıvtik quqyqtyq jarlyqtaryna monıtorıng júrgizý qaǵıdalaryn bekitý týraly» Qazaqstan Respýblıkasy Prezıdentiniń 2010 jylǵy 27 sáýirdegi № 976 jarlyǵynyń (budan ári - Qazaqstan Respýblıkasy Prezıdentiniń 2010 jylǵy 27 sáýirdegi № 976 Jarlyǵy), Úkimet Reglamentiniń, Qazaqstan Respýblıkasy Úkimetiniń «Norma shyǵarmashylyǵy qyzmetin jetildirý jónindegi sharalar týraly» 2002 jylǵy 30 mamyrdaǵy №598, «Qazaqstan Respýblıkasynyń ýákiletti organdarynda zań jobalaý jumystaryn uıymdastyrý erejesin bekitý týraly» 2003 jylǵy 21 tamyzdaǵy № 840, «Normatıvtik quqyqtyq aktilerdi resimdeý jáne kelisý qaǵıdalaryn bekitý týraly» 2006 jylǵy 16 tamyzdaǵy № 773 (budan ári –№ 773 Qaǵıda), «Normatıvtik quqyqtyq aktilerdi memlekettik tirkeý qaǵıdalaryn bekitý týraly» 2006 jylǵy 17 tamyzdaǵy № 778 (budan ári – № 778 Qaǵıda), qaýlylaryna jáne osy Reglamenttiń talaptaryna sáıkes memlekettik jáne orys tilderinde Komıtettiń tıisti qurylymdyq bólimsheleri júzege asyrady.
57. Jobany belgilengen merzimderde sapaly ázirleýdi Komıtettiń jobany ázirlegen qurylymdyq bólimshesiniń basshysy qamtamasyz etedi.
Qazaq jáne orys tilderiniń teń túpnusqalylyǵyn memlekettik til qyzmeti qamtamasyz etedi.
58. Eger ázirlengen jobalar normalarynyń qoldanylýyn qamtamasyz etý úshin, sondaı-aq buryn qabyldanǵan aktilermen qaıshylyqtardy joıý úshin basqa normatıvtik quqyqtyq aktilerge (kúshi joıyldy dep taný) ózgerister men tolyqtyrýlar engizý qajet bolsa, ózgerister men tolyqtyrýlar engizý nemese kúshi joıyldy dep taný qajettigi týraly anyqtama-negizdemeni qosa bere otyryp, negizgi aktiniń jobasymen bir mezgilde ózgerister men tolyqtyrýlar engizý týraly aktilerdiń (kúshi joıyldy dep taný týraly) jobalary da ázirlenip, kelisýge usynylýy tıis.
59. Komıtettiń qurylymdyq bólimsheleri ázirlegen normatıvtik quqyqtyq aktilerdiń jobalary quzyretin qozǵaıtyn qurylymdyq bólimshelerge jáne qurylymdyq bólimshe basshysynyń ilespe hatymen Zań basqarmasyna kelisýge usynylady.
Bul rette normatıvtik quqyqtyq aktiler jobalarynyń ár paraǵyna tikeleı oryndaýshy jáne ázirleýshi qurylymdyq bólimsheniń basshysy qol qoıýy tıis.
60. Qurylymdyq bólimsheler ázirlegen normatıvtik quqyqtyq aktiler jobalaryn kelisý merzimi 10 (on) jumys kúninen aspaýy tıis. Kelisýshi qurylymdyq bólimsheniń basshylyǵynyń sheshimi boıynsha jumys tártibinde normatıvtik quqyqtyq aktiniń jobasyn pysyqtaýǵa jol beriledi, bul týraly qurylymdyq bólimsheniń buryn usynylǵan ilespe hatynda atap ótiledi (TAÁ (bar bolsa), alǵany týraly qoly, kúni).
61. Komıtettiń Qazaqstan Respýblıkasy Ádilet mınıstrligine memlekettik tirkeýge joldanatyn buıryqtaryna (birlesken buıryqtaryna) shyǵys nómiri qujattamalyq qamtamasyz etý qyzmetine osy Reglamentke 2-qosymshaǵa sáıkes nysanda Komıtettiń zań qyzmetimen kelisilgen buıryqqa kelisý paraǵy usynylǵannan keıin beriledi.
Kelisýshi qurylymdyq bólimsheniń oryndaýshysy nemese basshysy bolmaǵan jaǵdaıda olardy aýystyratyn tulǵalar qol qoıady.
62. Normatıvtik quqyqtyq aktiniń jobasyn kelisý paraǵynda sol kúni dáleldi sebeptermen jumysta bolmaǵan tulǵalardyń nemese tirkeý kúni jumysqa kirisken negizgi qyzmetkerdi aýystyratyn tulǵalardyń qolymen qujattamalyq qamtamasyz etý qyzmetine tirkeýge usyný kezinde jańa kelisý paraǵyn resimdeý talap etilmeıdi. Kelisý paraǵynda jobany naqty kelisý kúni kórsetiledi. EQABJ júıesinde qujatty tirkegen kúni naqty jumysta bolǵan tıisti tulǵa jobany kelisedi.
Barlyq múddeli qurylymdyq bólimshelermen jáne memlekettik til qyzmetimen kelisilgennen keıin kelisý paraǵyna Komıtettiń Zań basqarmasynyń basshysy qol qoıady. Bul rette normatıvtik quqyqtyq aktilerdiń jobalaryn Komıtettiń ınternet-resýrsynda ornalastyrý týraly ótinimniń kóshirmesi bir mezgilde usynylady.
63. Zań qyzmeti basshysynyń qoly qoıylǵannan keıin, joba tıisti máselelerge jetekshilik etetin Tóraǵa orynbasaryna kelisýge jáne qol qoıýǵa usynylady. Jetekshilik etetin Tóraǵa orynbasarynyń qoly qoıylǵan joba Tóraǵaǵa kelisýge usynylady.
Tóraǵamen kelisilgen normatıvtik quqyqtyq aktiniń jobasy qajettiligine qaraı Mınıstrlikke kelisýge joldanady.
64. Jobany Mınıstrlikpen keliskennen keıin ázirleýshi qurylymdyq bólimshe belgilengen tártippen memlekettik organdardyń ıntranet-portalynda (budan ári - MO IP) Zań qyzmeti basshysynyń (ne onyń mindetin atqarýshy adamnyń) jáne memlekettik organ basshysynyń memlekettik organdardyń kýálandyrýshy ortalyǵynyń elektrondyq sıfrlyq qoltańbasyn (budan ári – ESQ) qoldana otyryp kýálandyrylǵan elektrondyq qujattar nysanyndaǵy qaýly (ókim) jobasyn, oǵan túsindirme jazbany jáne basqa da qajetti qujattardy ornalastyrady jáne MO IP arqyly tıisti memlekettik organdarǵa kelisýge jiberedi, al uıymdarǵa Qazaqstan Respýblıkasy Úkimetiniń 2004 jylǵy 17 sáýirdegi №430 qaýlysymen bekitilgen Elektrondyq qujat aınalymy erejesinde belgilengen tártippen rastalǵan elektrondyq qujattyń qaǵaz kóshirmesin kelisýge jiberedi.
Bul rette MO IP-da kelisý kezeńderine oryndaýshy, basqarma basshysy, normatıvtik quqyqtyq aktiniń jobasyn ázirleýshi, (basqarma basshysy bolmaǵan jaǵdaıda onyń mindetterin atqarýshy tulǵa), sonymen qatar kelisýshi qurylymdyq basqarmalar qosylady.
65. Ázirleýshi qurylymdyq bólimshe qaýly jobasyn Mınıstrlikke jáne múddeli memlekettik organdarǵa kelisýge jibere otyryp, bir mezgilde Mınıstrliktiń ınternet-resýrsynda kadrlyq jáne uıymdastyrýshylyq máselelerdi qamtıtyn, sondaı-aq memlekettik qupııalardy jáne (nemese) «Qyzmet babynda paıdalaný úshin» degen belgisi bar taralýy shekteýli qyzmettik aqparatty qamtıtyn qaýly jobalaryn qospaǵanda, jobany, túsindirme jazbany jáne oǵan basqa qajetti qujattardy Úkimet Reglamentiniń 50-tarmaǵynyń talaptaryn eskere otyryp, onyń ishinde Qazaqstan Respýblıkasynyń halyqaralyq sharttaryn jasasý, oryndaý, ózgertý jáne toqtatý máseleleri boıynsha memlekettik jáne orys tilderinde ornalastyrady. Qaýly jobasyn memlekettik organnyń ınternet-resýrsynda (veb-saıtta, ıntranet-portalda nemese basqa aqparattyq júıede) ornalastyrý týraly ruqsat (nómiri jáne ýaqyty) jáne aqparat (árqaısysyndaǵy baıttar sanyn kórsete otyryp, shyǵarylǵan faıldar ataýy) qaýly jobasyna túsindirme jazbada kórsetiledi.
66. Ázirleýshi qurylymdyq bólimshe Qazaqstan Respýblıkasynyń Ulttyq kásipkerler palatasynyń, jeke kásipkerlik sýbektileriniń akkredıttelgen birlestikteriniń saraptamalyq qorytyndylary kelip túsken kúnnen bastap 7 (jeti) jumys kúni ishinde olardy Mınıstrliktiń ınternet-resýrsynda ornalastyrady.
Saraptamalyq qorytyndymen kelispegen jaǵdaıda ázirleýshi bir mezgilde:
Mınıstrliktiń ınternet-resýrsynda qabyldamaý sebepteriniń dáleldengen negizdemesin ornalastyrady;
Qazaqstan Respýblıkasynyń Ulttyq kásipkerler palatasyna, jeke kásipkerlik sýbektileriniń akkredıttelgen birlestikterine kelispeý sebepteriniń negizdemesi bar jaýapty joldaıdy. Negizdemesi bar mundaı jaýaptar normatıvtik quqyqtyq aktini qabyldaǵanǵa deıin olardyń jobasyna mindetti qosymsha bolyp tabylady.
Saraptamalyq qorytyndymen kelispegen jaǵdaıda, ilespe hatta saraptamalyq qorytyndymen kelispeý sebepterine dáleldi negizdeme keltiredi.
67. Ishki kelisýden keıin ázirleýshi joba kóshirmesin Úkimet Reglamentiniń talaptaryna sáıkes múddeli memlekettik organdarǵa kelisýge jiberedi.
68. Qaýlylar men ókimderdiń jobalary múddeli memlekettik organdarmen olardyń zańnamada belgilengen quzyretine oraı MO IP-ta elektrondyq qujattar nysanynda kelisiledi, bul rette jobany kelisýdegi mundaı múddelilik jobada qaralatyn máselelerdiń mánin negizge ala otyryp, sondaı-aq jobada memlekettik organdardyń nemese olardyń basshylarynyń atyna tapsyrmalar bolǵan kezde belgilenedi.
Qujattyń qaǵaz kóshirmesi kelisýge jáne (nemese) ǵylymı uıymdarǵa ǵylymı saraptama júrgizý úshin jiberiledi.
69. Prezıdent aktileriniń, zańdardyń, kadrlyq (memlekettik organdardyń laýazymdy tulǵalaryn taǵaıyndaý jáne bosatý, sondaı-aq jumys toptaryn, komıssııalardy qurý bóliginde) jáne uıymdastyrýshylyq sıpattaǵylardy qospaǵanda, qaýlylardyń (ókimderdiń) jobalary barlyq múddeli memlekettik organdarmen kelisilgennen keıin ádilet, qarjy mınıstrlikterimen jáne joǵary turǵan Mınıstrlikpen mindetti kelisýge jatady.
70. Qazaqstan Respýblıkasynyń halyqaralyq sharttaryn jasasý, oryndaý, ózgertý jáne toqtatý máseleleri boıynsha jobalar múddeli memlekettik organdardyń quzyretine jatatyn máseleler boıynsha MO IP arqyly olarmen kelisilgennen keıin Qazaqstan Respýblıkasy Ádilet mınıstrliginde zańdy saraptamaǵa jatady.
71. Normatıvtik quqyqtyq aktilerdi ýaqtyly jáne sapaly ázirleý, Qazaqstan Respýblıkasy Ádilet mınıstrligine qabyldanǵan zańnamalyq aktilerdi iske asyrý týraly aqparatty berý maqsatynda Komıtettiń qurylymdyq bólimsheleri (normatıvtik quqyqtyq aktilerdiń jobalaryn ázirleýshiler) Zań basqarmasyna Qazaqstan Respýblıkasy Ádilet mınıstrliginiń eskertýlerin mindetti túrde qosa bere otyryp, norma shyǵarmashylyǵy qyzmetiniń oryndalý barysy týraly aı saıynǵy aqparatty (esepti kezeńniń 25-kúnine deıin) usynady.
Zań basqarmasy belgilengen merzimde Mınıstrlikke norma shyǵarmashylyǵy qyzmetiniń oryndalý barysy týraly aqparatty usynady.
72. Komıtet bekitken kestege sáıkes Qazaqstan Respýblıkasynyń zańnamasyna qaıshy keletin jáne eskirgen quqyq normalaryn anyqtaý, olardyń iske asyrylý tıimdiligin baǵalaý jáne olarǵa ózgerister jáne (nemese) tolyqtyrýlar engizý nemese olardyń kúshi joıyldy dep taný boıynsha ýaqtyly sharalardy qabyldaý maqsatynda Komıtette Qazaqstan Respýblıkasy Prezıdentiniń 2010 jylǵy 27 sáýirdegi № 976 Jarlyǵyna sáıkes Qazaqstan Respýblıkasy Prezıdentiniń normatıvtik quqyqtyq jarlyqtaryna jáne Qazaqstan Respýblıkasy Úkimetiniń 2011 jylǵy 25 tamyzdaǵy №964 qaýlysymen bekitilgen Normatıvtik quqyqtyq aktilerge quqyqtyq monıtorıng júrgizý qaǵıdalaryna sáıkes normatıvtik quqyqtyq aktilerge monıtorıng júrgiziledi.
Aqparat belgilengen merzimderde Mınıstrliktiń Zań qyzmetine joldanady.
73. Komıtetke kelisýge kelip túsken jobalardy qujattamalyq qamtamasyz etý qyzmeti mindetterdi bólýge sáıkes Komıtet basshylyǵynyń qaraýyna jiberedi, olar jobalardy jiberý úshin jobanyń ótýine jaýapty qurylymdyq bólimsheni jáne olardyń quzyretine qaraı Komıtettiń múddeli qurylymdyq bólimshelerin aıqyndaıdy. Qazaqstan Respýblıkasy Úkimeti qaýlylarynyń, Qazaqstan Respýblıkasy Premer-Mınıstri ókimderiniń jobalaryn, zań jobalaryn jobalar jiberiletin Komıtettiń qurylymdyq bólimsheleri arasynda kelisý ESQ-ny paıdalana otyryp MO IP arqyly elektrondyq qujattar nysanynda júrgiziledi.
74. Komıtettiń qurylymdyq bólimsheleri, eger Komıtettiń basshylyǵy neǵurlym qysqa merzimderdi belgilemese, joba kelisýge kelip túsken kúnnen bastap 5 (bes) jumys kúninen aspaıtyn merzimde jobany qaraıdy jáne jobanyń ótýine jaýapty qurylymdyq bólimshege óz qorytyndylaryn usynady, onyń basshysy jobanyń tikeleı oryndaýshysyn aıqyndaıdy.
Jobalardy qaraýdyń jalpy merzimi Úkimettiń Reglamentimen jáne norma shyǵarý qyzmeti salasyndaǵy ózge de normatıvtik quqyqtyq aktilermen, sondaı-aq joǵary turǵan memlekettik organdar men laýazymdy tulǵalardyń tapsyrmalarymen aıqyndalady.
Jaýapty qurylymdyq bólimsheniń oryndaýshysy múddeli bólimshelerdiń pikirlerin qorytyndylaıdy jáne ázirleýshi organǵa jobanyń ótýine jaýapty bólimsheniń jáne Zań basqarmasynyń basshysy, múddeli bólimshelerdiń basshylary, mindetterdi bólýge sáıkes Komıtet basshylyǵynyń buryshtama qoly qoıylatyn, jaýap jobasyn daıyndaıdy, odan keıin Komıtettiń birinshi basshysynyń ESQ-symen kýálandyrylady.
75. Jobany eskertýlersiz kelisý múmkindigi (buryshtama qol qoıý) týraly qorytyndy daıyndalǵan jaǵdaıda, Qazaqstan Respýblıkasy Úkimetiniń qaýlylaryn, Qazaqstan Respýblıkasy Premer-Mınıstri ókimderin, zań jobalaryn qospaǵanda, ázirleýshi organ jumys tártibimen Komıtettiń qurylymdyq bólimshesi basshysynyń sheshimi boıynsha jobanyń túpnusqasyn qol qoıýǵa usynady, bul týraly buryn usynylǵan ilespe hatta belgi (TAÁ (bar bolsa), kúni, qoly) qoıylady.
Jobany kelisý (buryshtama qol qoıý) múmkindigi týraly qorytyndyǵa Komıtette jobanyń ótýine jaýapty bólimsheniń basshysy qol qoıady jáne 2 (eki) jumys kúninen aspaıtyn merzimde múddeli bólimshelerdiń basshylary, mindetterdi bólýge sáıkes Komıtettiń basshylyǵy qol qoıady.
Qazaqstan Respýblıkasy Úkimeti qaýlylarynyń, Qazaqstan Respýblıkasy Premer-Mınıstri ókimderiniń jobalaryn MO IP-ta eskertýlersiz zań jobalaryn kelisý jaǵdaıynda ázirleýshi organ elektrondyq qujattyń qaǵaz kóshirmesi túrinde jobanyń túpnusqasyn Komıtettiń basshysyna buryshtama qol qoıýǵa usynady.
MO IP-