Búgin Bas prokýratýrada Quqyq qorǵaý organdary akademııasyndaǵy quqyq qorǵaý organdary basshylyǵynyń Prezıdenttik rezervinde turǵan qyzmetkerler úshin ekinshi oqytý kýrstarynyń aıaqtalýyna arnalǵan saltanaty is-shara ótti, dep habarlady Bas prokýratýranyń baspasóz qyzmeti.
Is-sharany ashqan Bas prokýrordyń birinshi orynbasary Iogan Merkel rezervtegilerdi bolashaq jaýapty basshylyq qyzmetke daıarlaýda oqý kýrstarynyń mańyzdy ekenin atap ótip, qatysýshylardy onyń sátti aıaqtalýymen quttyqtady.
Akademııa rektory Ulan Baıjanov óz sózinde oqý prosesiniń erekshelikteri men qorytyndylaryna toqtalyp ótti.
Rezervtegilerdiń mártebesi men deńgeıin eskerip, bilim berý úrdisiniń basym bóligi ujymdy qalypty jáne syndarly jaǵdaıda tıimdi basqarý, strategııalyq josparlaý, kóshbasshylyq pen basshynyń jeke tıimdiligi máselelerine arnaldy. Terrorıstik aksııalar men jappaı narazylyq kezinde kelissózder júrgizý taktıkasyna aıryqsha kóńil bólindi.
Ekinshi oqý kýrstarynyń bir ereksheligi – ár rezervısti jekeleı oqytýǵa basa nazar aýdarylýynda, bul asa tájirıbeli sarapshylardyń qatysýymen kásibı daǵdylardy damytý jónindegi keńester ázirleýge múmkindik berdi.
Kýrstardy joǵarǵy deńgeıde ári sapaly uıymdastyrý úshin sabaqtardy trenıng túrinde 19 bedeldi ǵalym jáne praktık maman, sonyń ishinde memlekettik organdardyń basshylyq quramynyń 5 ókili ótkizdi.
Sharanyń sońynda rezervtegilerge sertıfıkattar men tós belgiler berilip, eń úzdik dep tanylǵan sarapshylar men tyńdaýshylar marapattaldy.
Aıdar О́RISBAEV