Ata Zań merekesi shyǵysqazaqstandyqtar úshin qýanyshty qaýyshýmen bastaldy. Erteńgilik oblys turǵyndary О́skemen áýejaıynan olımpıadashy jerlesterin qarsy aldy. Ushaqtan Rıo-de-Janeıro qalasynda ótken HHHI Jazǵy Olımpııalyq oıyndardyń úsh qarǵyp sekirýden qola júldegeri Olga Rypakovamen birge aýyr atletshi Denıs Ýlanov, dısk laqtyrýshy Evgenıı Labýtov, jeńil atletshi Irına Smolnıkova, 400 metrlik qashyqtyqqa júgirýden jeńil atletshi Elına Mıhına men baıdarkada jekeleı esýde óner kórsetken Ekaterına Smırnova tústi.
Áýejaı aldynda dańqty sportshylardy jankúıerler atynan quttyqtaǵan oblys ákiminiń orynbasary Jaqsylyq Omar Olga Rypakovanyń Olımpııalyq oıyndarda Qazaqstannyń atynan jeńil atletıkadan júldeli bolǵan jalǵyz sportshy ekenin erekshe atap ótti.
– Elbasymyz aıtyp ótkendeı, Olga Rypakova tek sportshy ǵana emes, sonymen qatar ol batyr ana, – dedi oblys ákiminiń orynbasary.
Rıo Olımpıadasynyń qola júldegeri de jankúıerlerine kórsetken qoldaýlary úshin rızashylyǵyn bildirdi.
– Olımpıadadan keıin men taǵy bir jarysqa óner kórsetýge attanyp kettim. Sondyqtan, eki saıystan keıin týǵan ólkem Shyǵys Qazaqstanǵa, О́skemenge jetý men úshin úlken qýanysh. Ár kún saıyn áleýmettik jelilerde qoldaý kórsetip, tilek bildirgenderińiz úshin alǵys aıtamyn. Sizderdiń qoldaýlaryńyzsyz bizdiń jetistigimiz de bolmas edi, – dedi Olga Rypakova.
Budan keıin olımpıadashylar otyrǵan kólikter sherýi saltanatty túrde oblys ortalyǵynyń kóshelerimen júrip ótip, Respýblıka alańyna keldi. Oblys ortalyǵynda ótip jatqan Konstıtýsııa kúni aıasynda Rıo-de Janeıro Olımpıadasyna qatysýshylaryna erekshe qurmet kórsetildi.
О́ńir basshysy Danıal Ahmetov Olga Rypakovaǵa jerlesteriniń atynan Toyota Land Cruiser Prado avtokóligi men 50 myń AQSh dollaryn syılasa, jarysty tórtinshi orynmen aıaqtaǵan aýyr atlet Denıs Ýlanovqa eki bólmeli páterdiń kiltin tabys etti. Olımpııalyq oıyndarǵa Shyǵys Qazaqstan oblysynan qatysqan basqa sportshylarǵa, atap aıtqanda dısk laqtyrýshy Evgenıı Labýtov, marafondyq qashyqtyqtaǵy jeńil atlet Irına Smolnıkova, jeńil atlet Elına Mıhına jáne eskekshi Ekaterına Smırnovaǵa oblys ákiminiń bir jyldyq stıpendııasynyń sertıfıkattary tabys etildi.
Dýman ANASh
О́SKEMEN