«Evro-Azııa Eır» kompanııasyna tıesili tikushaq Qyzylorda oblysynyń aýmaǵynda apatqa ushyrady. Tikushaqtyń bortynda «QazTransOıl» aksıonerlik qoǵamynyń Shyǵys fılıaly Jezqazǵan munaı qubyry basqarmasynyń qyzmetkerleri bolǵan. Eń bastysy, apat barysynda qaza bolǵandar joq. Bul týraly egemen.kz tilshisi «QazTransOıl» AQ-nyń qoǵammen baılanys jáne ishki kommýnıkasııalar qyzmetine silteme jasap habarlaıdy.
«7 qyrkúıek kúni Astana ýaqytymen saǵat 15:40-ta, Qyzylorda oblysynda bortynda «QazTransOıl» AQ-nyń Shyǵys fılıaly Jezqazǵan munaı qubyry basqarmasynyń qyzmetkerleri bar «Evro-Azııa Eır» avıakompanııasynyń MI-8 tikushaǵy ushý barysynda apatqa ushyrady. Qaza tapqandar joq. Oqıǵanyń sebepteri men mán-jaıy naqtylanýda»,– delingen habarlamada.
Habarlamadan uqqanymyzdaı tikushaq jerden endi kóterile bergeninde qulaǵan. Sonymen qatar, oqıǵa ken ornynyń basynda bolǵanǵa uqsaıdy.
Esterińizde bolsa, dál osy kompanııaǵa tıesili naq osyndaı MI-8 tik ushaǵy osydan tórt jyl buryn Almaty oblysynda apatqa ushyrap, sonyń kesirinen 8 adam qaza bolǵan edi. Ol kezde tikushaqtyń apatqa ushyraýyna aýa-raıynyń qolaısyzdyǵy sebep bolǵan. Ushýǵa qolaısyz jaǵdaı bolsa da, tikushaq komandıri áýege kóterilip, artynan ony basqara almaı qaıǵyly oqıǵa oryn alǵan edi.
Erjan Baıtiles, Qyzylorda