Almaty oblysyndaǵy Kólsaı kólderiniń mańynda týrısterdi tasymaldaıtyn mıkroavtobýs taý betkeıinen tómen qaraı qulap, aýdarylyp qalǵan. Áleýmettik jelide taraǵan vıdeoda kóliktiń taýdyń tik betkeıimen ekpindeı quldılap bara jatqany anyq kórinedi, dep habarlaıdy Egemen.kz.
Oqıǵa búgin, 25 sáýirde taýly aımaqta bolǵan. Aldyn ala málimet boıynsha, mıkroavtobýs turaq aımaǵynan ózdiginen tómen qaraı qozǵalyp ketken.
Atyraýda mektep oqýshysyn avtobýs qaǵyp ketti
Polısııanyń málimetinshe, kólik qulaǵan sátte onyń ishinde eshkim bolmaǵan.
«Oqıǵa saldarynan eshkim zardap shekken joq. Kólik ıesi polısııaǵa aryz berýden bas tartty jáne eshkimge talaby joq ekenin aıtty», dep habarlady vedomstvo ókilderi.
Qazirgi ýaqytta oqıǵanyń naqty sebepteri anyqtalyp jatyr. Tártip saqshylary taýly aımaqta kólikti turaqqa qoıý kezinde óte muqııat bolý qajettigin eske salady.
Qaraǵandy oblysynda 50 jumysshy mingen avtobýs aýdaryldy