Memleket basshysynyń bastamasymen qolǵa alynǵan «Taza Qazaqstan» jalpyulttyq aksııasyna elimizdegi «Keleshek» mektepteriniń oqýshylary jappaı atsalysyp jatyr. Búgin 185 mekteptiń shákirtteri qorshaǵan ortany qorǵaýǵa baǵyttalǵan aýqymdy senbilikke qatysty, dep habarlaıdy Egemen.kz.
«Taza Qazaqstan» jobasynyń negizgi maqsaty – qoǵamda ekologııalyq mádenıet qalyptastyryp, azamattardyń tabıǵat aldyndaǵy jaýapkershiligin arttyrý. Bul baǵytta jas urpaqtyń belsendiligi aıryqsha mańyzǵa ıe.
Qasym-Jomart Toqaev «Samal» saıabaǵynda aǵash otyrǵyzdy
Senbilik barysynda oqýshylar tek óz mektepteriniń aýmaǵyn tazartyp qana qoımaı, jaqyn mańdaǵy saıabaqtar men qoǵamdyq oryndardy da retke keltirdi. Mektep aýmaqtary qoqystan tazartyldy. Kóptegen óńirlerde aǵash otyrǵyzý jáne kógaldandyrý jumystary júrgizildi. Tabıǵatty aıalaýdyń naqty úlgisi kórsetildi.
Prezıdent Oqý-aǵartý mınıstrligine «Jasyl sabaqtar» jobasyn qabyldaýdy tapsyrdy
Aıta keterligi, «Keleshek» mektepteri de, «Taza Qazaqstan» aksııasy da Prezıdent Qasym-Jomart Toqaevtyń tikeleı bastamasymen júzege asyp jatyr. Biri – sapaly bilim berýdi kózdese, ekinshisi – jas urpaqtyń boıynda ozyq mádenıet pen jasampaz patrıotızmdi qalyptastyrýǵa baǵyttalǵan. Oqýshylardyń bul belsendiligi jańa sapaly ultty qalyptastyrý jolyndaǵy mańyzdy qadam.