Búgin elordadaǵy Táýelsizdik Saraıynda «Álem. HHI ǵasyr. Oqý arqyly rýhanı úndestik pen mádenıetke» degen taqyrypta Halyqaralyq kitaphanashylar kongresi jumysyn bastady.
Kongress jumysyna álem jáne TMD elderi, atap aıtqanda Reseı, Moldova, Grýzııa, Ázirbaıjan, Tájikstan, Iran Islam Respýblıkasy Ulttyq kitaphanalarynyń ókilderi, Eýrazııa Kitaphanalary Assambleıasy ókilderi, ǵalymdar, aqyn-jazýshylar men baspagerler, mádenıettanýshylar jáne kitaphanashylar qatysýda.
Alǵashqy quttyqtaý sóz Mádenıet jáne sport mınıstri Arystanbek Muhamedıuly tarapynan aıtyldy. Ol sharanyń ótkizilýi kitaphanalar arasyndaǵy mádenı, ǵylymı, jáne bilimdik baılanystardy nyǵaıtý jolynda erekshe mańyzǵa ıe bolatynyn atap kórsetti.
Jıynnyń maqsaty – qoǵam nazaryn kitaphanalardy damytý máselelerine, mádenıettiń asa mańyzdy qubylysy retindegi oqýǵa aýdarý, elektrondy aqparattyq resýrstardy qalyptastyrý máseleleri boıynsha tájirıbe almasý jáne ony aqparattyq-kitaphanalyq mekemelerde paıdalaný, kitaphanashy kásibiniń ımıdjin kóterý.
Eki kúndik Kongress jumysyna plenarlyq májilis, elimizde tuńǵysh ret ótkizilip otyrǵan Eýrazııa Kitaphanalary Assambleıasy músheleriniń HIH jalpy jınalysy, «Bir el – bir kitap aksııasy» aksııasy. 2016 jyl kitaby – «Dýlat Babataıuly shyǵarmalary», «Hakim Abaı danalyǵy» taqyryptaryndaǵy dárister, «Abaı» ǵylymı-zertteý ınstıtýty shyǵarǵan kitaptardyń tusaýkeseri jáne Shyǵys Qazaqstan oblystyq kitaphanasynyń «Bizdiń Abaı» elektrondy kitaphanasynyń tanystyrylymy, kitap kórmeleri jáne bes seksııa kiristiriledi.
Aıgúl SEIILOVA
Foto: Orynbaı BALMURAT