Tatarstan Respýblıkasynyń astanasy «Turaqty damý ımperatıvi retinde adamzatty qorǵaý» taqyrybynda Halyqaralyq forým ótip jatyr.
Búgin ótken alǵashqy arnaıy sarapshylar otyrysyna Tatarstannyń Prezıdenti Rýstam Mınnıhanov, Tatarstan Respýblıkasynyń Memlekettik keńesshisi Mıntımer Shaımıev, IýNESKO-nyń mádenı murany qorǵaý bóliminiń jetekshisi Iаn Hladık pen Jibek joly halyqaralyq saýda palatasynyń Bas hatshysy Lı Chongang pen gýmanıtarlyq qaýipsizdik salasyndaǵy tanymal sarapshylar qatysyp, baıandamalar jasady.
IýNESKO Bas dırektory I.Bokovanyń qoldaýymen uıymdastyrylǵan Forýmda mádenı mura nysandarynyń dúnıejúzilik ortaq qundylyqtary men gýmanıtarlyq qaýipsizdik túsinigin anyqtaý jáne ony qamtamasyz etý máseleleri talqylanýda. Ázerbaıjan, Qazaqstan, Moldova, Perý jáne Reseıdiń kórnekti ǵalymdary men sarapshylary qatysyp jatqan ǵylymı jıyn erteń, 16 qyrkúıekte arnaıy qujatpen qorytyndylanady.