Jeńiske qushtar jastar quramasy

Bokstan Qazaqstannyń jastar qurama komandasy Germanııanyń Oderdegi Frankfýrt qalasynda ótken dástúrli Brandenbýrg kýbogy týrnırinen 4 altyn, 3 kúmis jáne 2 qola medal alyp keldi. Boksshylardyń osy jeńisine baılanysty quramanyń bas jattyqtyrýshysy Ǵalym Kenjebaev Germanııada kezekti ret ótken týrnır týraly áńgimelep berdi. – Týrnırdiń ótý deńgeıi qalaı boldy? – Bıylǵy týrnır óte jaqsy ó­t­ti. Oǵan qatysýshy elder eń myqty de­­gen boksshylaryn ákeldi. Bizdiń el­­den osy dodaǵa 9 sportshy qaty­syp, sonyń tórteýi jeńimpaz atandy. Atap aıtqanda, 49 kılodaǵy Rýstam Hamıdov, 52 kılo salmaq­taǵy Aıdos Arapov, 75 kılodaǵy Bek Nurmaǵambet jáne 81 kılo­ǵa deıin­gi salmaqtaǵy Bekzat Nur­dáý­letov jeńimpaz atandy. Jalpy­­­komandalyq esepte Qazaq­stan komandasy ekinshi oryn aldy. Birin­shi oryndy bes altyn júl­de­men Reseı boksshylary ıelense, úshin­­shi orynǵa bir altyn medal je­ńip alǵan Germanııa quramasy kóterildi. Buryn boksy jaqsy damyǵan elder basqalaryn qalpaqpen uryp alamyn dep keletin. Al qazir jaǵdaı múldem basqasha. Týr­nır­de básekelester kóp boldy. So­nyń ishinde soltústik kórshi­miz tý­raly aıtqym keledi. Reseı­diń jas­tar quramasy qandaı týrnırge, jarysqa bolsyn jaqsy daıyndyqpen baratyndaryn taǵy bir ret baıqatty. Bıyl qarasha aıyn­­da Sankt-Peterbýrgte jas­tar ara­synda álem chempıonaty ótedi. Re­seı osy dodaǵa shyndap kiris­ken sııaqty. Bizdiń komanda da osy chem­pıonatqa daıyndyqty bas­tap ketti. Qazir quramada qurmet tuǵy­ry­na kóterilýge asyǵyp júrgen boks­shylar barshylyq. Jalpy, álem boıynsha jyl saıyn talantty, talapty jastar kóbeıip jatyr. Bul boks sııaqty sport túrleriniń jyldam damyp kele jatqanyn kórsetedi. Qazir álemde sporttyń osy túrin ulttyq sportqa aınaldyrǵan elder kóp. Sol úshin biz Brandenbýrg kýbogy týr­nırinde álem chempıonatyna qaty­satyn komandalardy zerttep kór­dik. Al jahandyq jarysta biz­diń bas­ty qarsylasymyz Reseı men Kýban­­yń quramalary bolady. Bıyl­­ǵy synda kýbalyqtar bolǵan joq. Bi­raq biz olardy Reseıdiń Ana­­pa qa­­lasynda ótken týrnırde kór­genbiz. – Qurama jıi ózgerip tura ma? – Iá, jıi ózgeredi. Komandanyń rezervi taǵy bar. Jańa aıtqanym­daı, bizdiń elde boks jaqsy damyp keledi. Boks federasııasy jastar boksyn damytý úshin qolda bar múmkindikterdiń bárin jasap otyr. Sporttyń osy túrine elimizde úlken mán beriledi. Elimizde boks ortalyqtary, sport keshenderi bar. Olar kóbeıe beredi. Sport keshenderiniń kóbeıgeni jastarǵa jaqsy. Qazir óz basym kóshede bos júrmeı, sport alańdaryna baratyn jastardyń talaıyn kórip júrmin. Meniń oıymsha, Danııar Eleýsinovtiń altyn medali, Ádilbek Nııazymbetov, Vasılıı Levıt, Ivan Dychko men Darıǵa Shákimovanyń júl­deleri jastarǵa jaqsy áser etýde. Bir ókinishtisi, bizdiń elde aýyr sal­­­maq­taǵy jastar az. Osy jaǵy prob­­lema bolyp tur. Sondyqtan aýyl­­darǵa baryp, el-eldi aralap, aýyr salmaqtaǵy jastardy izdeýimiz kerek. – Komanda álem chempıonaty­nan basqa taǵy qandaı jarys­tar­ǵa qatysady? Jalpy, alda­ǵy jospary qandaı? – Ýk­raı­­­na­da aǵaıyndy Klıchko­lar­dyń týrnıri ótedi. Soǵan boks­shylardy ta­ǵy irikteımiz. Oǵan kimniń baraty­nyn sheshemiz. Jeńil salmaqta bas­qa boksshylar baratyn shyǵar. Biz­de jeńil salmaqta báseke kúshti. Shar­shy alańnyń shańyn qaǵyp, ózin kór­setkisi keletin jastar kóp. Olar jas bolǵan soń, jeńiske degen jigeri, umtylysy bar. Al Brandenbýrg kýbogy týrnırine qatysqan 75 jáne 81 kıloǵa deıingi salmaqtaǵy boks­shylar sol kúıinde qalady. Sodan keıin qazan aıynda Halyqaralyq áýesqoı boks qaýymdastyǵynyń akademııa­synda ótetin jıynǵa qatysamyz. Al qarashada álem chempıonatyna sońǵy daıyndyqty júrgizemiz. Chempıonat 14-26 qarasha kúnderi ótedi. Áńgimelesken Dastan KENJALIN, «Egemen Qazaqstan» ASTANA