«Urlyq túbi – qorlyq» dep atalarymyz tekke aıtpasa kerek. Alaıda, kúzgi oraq naýqany keń qanat jaıǵan qarbalas tusta astyq urlaýshylardyń tábeti ashyla túsedi. Sonda «Dánikkennen qunyqqan jaman» demekshi, mańdaı termen ósirilgen el rızyǵyn dalada tegin jatqan dúnıedeı kóretinder joq emes. Mine, solardyń birin tártip saqshylary Esil aýdanynda ustady. Sharýashylyqtyń birinen 300 kılo arpany qoldy etip, jaǵasy jaılaýda ketip bara jatqan jyryndyny «Oraq-2016» jedel aldyn alý sharasynyń músheleri tyrp etkizbedi.
Osylaısha jer-jerlerde qurylǵan jedel top astyq jymqyrýdyń alty faktisin áshkereledi. Sondaı-aq, janar-jaǵarmaı urlaýdyń úsh, gerbısıd jymqyrýdyń bir deregi tirkeldi.
– Jedel aldyn alý reıdteriniń basty maqsaty – bıdaı, qatty otyn, aýyl sharýashylyǵy tehnıkalarynyń qosalqy bólshekterin urlaýdy boldyrmaý jáne nemese izin sýytpaı ashý, – deıdi OIID krımınaldyq polısııa bóliminiń jetekshisi Saǵyndyq Jantemirov.
О́mir ESQALI,
«Egemen Qazaqstan»
Soltústik Qazaqstan oblysy