Paralımpıada máresine jetti

Burnaǵy kúni túnde Rıo-de-Janeırodaǵy «Marakana» stadıonynda Paralımpııalyq oıyndardyń saltanatty jabylý rásimi bolyp ótti. Oıyndar qyrkúıektiń 7-sinen 18-ine deıingi aralyqta ótti. Jabylý rásiminiń qoıylymy Bra­zılııa halqynyń án áýeni álemine arnaldy. Jınalǵan­­dar a­l­­dyn­da osy eldiń belgili án­shi­­­leri óner kórsetti. Solardyń ishin­­­­de týǵannan qoldary joq mý­­­zy­­­­kant Jonatan Bastos ta bol­­­­dy. Ol álemge óziniń barlyq kom­­­po­­­zı­­­sııa­­l­aryn aıaǵynyń bash­paı­­­la­ry­­men oınaıtynymen tanyl­ǵan. Shara basynda kórermender men qatysýshylar senbi kúni jarys barysynda qatty qulap, aýrýhanaǵa barar jolda jan­tásilim etken ırandyq 48 jas­­taǵy veloshabandoz Bahman Golbar­nejad únsizdikpen eske aldy. Osy qaıǵyly oqıǵaǵa baılanys­ty Oıyndar uıymdastyrý komı­teti­niń basshysy Karlos Nýzman men Halyqaralyq paralım­pııa­lyq komıtettiń prezıdenti Fılıp Kreıven Iran komandasy men marqumnyń otbasyna kóńil aıtty. «Maqsat oryndaldy... Brazı­lııa eshqashan berilmeıdi», dep málimdedi óziniń sózinde Nýzman elde Olımpıada men Para­lım­pıadany daıyndaýdyń óte qıyn jaǵdaıda ótkenin meńzeı kelip. О́z kezeginde Kreıven brazı­lııa­lyqtarǵa jyly qushaq jaı­ǵandary úshin alǵys sezimin bil­dirdi. Ol sondaı-aq jarystarǵa qatysqan múmkindikteri shek­teýli sportshylardyń báriniń kere­met qasıetteri jóninde aıtyp ótti. Sodan keıin komı­tettiń Oıyndardy jaqsy uıym­dastyryp, joǵary deńgeıde ótkiz­geni úshin Rıony óziniń eń jo­ǵary nagradasy – ordenmen marapattaıtynyn jetkizdi. Sońynda Kreıven án salyp, Oıyndardy jabyq dep jarııalady. Al paralımpııalyq jalaý kelesi Oıyndardyń ıesi – Tokıoǵa saltanatty jaǵdaıda tabys etildi. Paralımpııalyq oıyndar 107 altyn, 81 kúmis, 51 qola, bar­lyǵy 239 medal alǵan Qytaı quramasynyń aıqyn jeńisimen aıaq­tal­dy. Ekinshi oryn 64 altyn, 39 kúmis, 44 qola, barlyǵy 147 medal jınaǵan Ulybrıtanııa qura­masyna buıyrdy. Úshinshi oryn­ǵa 41 altyn, 37 kúmis, 39 qola, jal­py 117 medali bar Ýkraı­na ko­man­dasy shyqty. Budan ári alǵashqy ondyqty AQSh, Avs­tralııa, Germanııa, Nıderland, Bra­zı­lııa, Italııa jáne Polsha koman­dalary qurady. Burynǵy keńestik elder ara­­­­­synan 8 altyn, 6 kúmis, 17 qola, bar­lyǵy 31 medal jınap, 16-oryn­nan kóringen О́zbekstan qu­ra­masyn erekshe atap ótýge bolady. Bul elden Oıyndarǵa barǵan 32 sportshynyń 31-i osylaısha medalmen oraldy. Budan bólek, Belarýs – 19-shy, Lıtva – 44-shi, Latvııa – 45-shi, Ázerbaıjan 48-shi oryndarǵa ornalasty. Al Oıyndarda 1 altyn, 1 kúmis medal alǵan Qazaqstan quramasy Slovenııa sportshylarymen birge 58-59-shy oryndardy bólisti. Murat AITQOJA