Qazaqstannyń Qarýly Kúshterinde áskerı qyzmetshiler «Qazaqstan ınjınırıng» UK» AQ-tyń enshiles kásiporny bolyp tabylatyn «S.M.Kırov atyndaǵy zaýyt» AQ-ta shyǵarylǵan baılanys quraldaryn tájirıbelik-áskerı paıdalanýdy júzege asyrý ústinde.
Qýattylyǵy ortasha «Qaraǵaı» radıostansasy men «Aqterek» radıorelelik stansasy, sondaı-aq, qurastyrý jáne tehnologııalyq qujattama 2015 jyly «S.M.Kırov atyndaǵy zaýyt» AQ-tyń mamandary tarapynan 2015 jyly ázirlendi.
«Qaraǵaı radıostansasy dýpleksti arnalardy (bir ýaqytta júzege asyrylatyn ekijaqty baılanys) nemese sımpleksti baılanysty (baǵyt bir jaqta júzege asyrylatyn eki abonent arasyndaǵy birjaqty baılanys) radıojelige nemese radıobaǵytqa uıymdastyrýǵa arnalǵan. «Aqterek» radıorelelik stansasy basqarýdyń strategııalyq, jedel-strategııalyq jáne jedel býynnyń arnaıy maqsattaǵy jelilerinde úzdiksiz rejimde jumys jasaıtyn jıilikterdiń santımetrlik dıapazonynyń radıorelelik baılanys jelisin uıymdastyrýdy qamtamasyz etedi.
«Qaraǵaı» men «Aqterek» stansalary áskerı synamalardan sátti ótti jáne halyqaralyq «KADEX-2016» qarý-jaraq pen áskerı-tehnıkalyq múlikter kórmesinde usynylyp, mamandardyń joǵary baǵasyna ıe boldy.
Radıostansalar jańa sıfrlyq baılanys qondyrǵysymen jabdyqtalǵan jáne joǵary eksporttyq áleýetke ıe.
«Egemen-aqparat»