Komıssııanyń keńeıtilgen otyrysy

Qýanysh Sultanovtyń tóraǵalyǵymen Elbasy janyndaǵy Adam quqyqtary jónindegi komıssııanyń azamattardyń kásipkerlik qyzmet erkindigine Konstıtýsııalyq quqyqtaryn qamtamasyz etýdiń ózekti máselelerin talqylaýǵa arnalǵan keńeıtilgen otyrysy bolyp ótti. Jınalǵandar aldynda «Atameken» Ulttyq kásip­ker­ler palatasy basqarma tór­aǵasynyń orynbasary Rýstam Júrsinov baıandama jasady. Talqylaýǵa ulttyq jáne halyqaralyq sarapshylar, Kásipkerler quqyqtaryn qor­ǵaý jónindegi ýákil, memle­ket­­tik organdardyń, úkimet­t­ik emes qu­qyq qorǵaý uıym­da­ry­nyń bas­shylary, bıznes ókil­­deri, sý­dıalar, zańger ǵalym­dar, ta­nymal advokattar qatysty. Komıssııa músheleri bız­nes­ti damytýdyń negizgi ba­sym­dyqtary men qaǵıdat­taryn Memleket basshysy N.Nazarbaev «Bıznestiń jol kartasy-2020» jáne «Jumys­pen qamtýdyń jol kartasy» baǵdarlamalyq qujattarynda aıqyndap bergenin jáne jarııalaǵanyn atap kórsetti. Otyrysqa qatysýshylar mem­leket tarapynan da, ká­sip­kerler tarapynan da ózara is-qımyldyń barynsha prob­lemalyq máselelerin retteý­ge, kásipkerlik erkindiginiń zań­­na­malyq kepildikterin da­my­týǵa, reıderlik pen sy­baı­las jemqorlyq qubylys­taryn eńserýge degen biryń­ǵaı múddeliliktiń bar ekenin alǵa tartty. Sóz sóılegender buqa­ra­­lyq kásipkerlikti ynta­lan­dyrý men halyqtyń ju­mys­­­pen qam­tylýyn qamta­masyz etý tý­raly máseleniń ózek­tiligin atap ótti. Komıs­sııanyń otyrysynda ázirlengen usynymdar Mem­­leket basshysynyń, Qa­zaq­­stan Respýblıkasy Úkime­ti men Parlamentiniń nazaryna jet­kiziletin bolady. «Egemen-aqparat»