Qaraǵandy oblystyq tabıǵatty qorǵaý polısııasynyń qyzmetkerleri men «Ohotzooprom» mekemesiniń ınspektorlary birigip júrgizgen reıd kezinde kıikti zańsyz aýlap júrgen brakonerler qolǵa tústi.
Nura aýdanyndaǵy Janbóbek aýylynan 30 shaqyrym jerde 52 jáne 45 jastaǵy eki kúdikti ustaldy. Olar turyp jatqan vagon ishinen 6 kıiktiń butarlanǵan eti tabyldy.
Sondaı-aq, tártip saqshylary reıd barysynda «Toıota Land Krýzer» avtokóligimen kıik qýyp júrgen 35 jasar kúdiktini quryqtady. Tekserý kezinde onyń kóliginen kıiktiń eti, úsh jup kıik múıizi, ańshy myltyǵy jáne 48 oq tabyldy.
Qazirgi ýaqytta osy eki oqıǵa boıynsha sotqa deıingi tergeý amaldary júrgizilýde, dep habarlady oblystyq IID baspasóz qyzmeti.
Qaırat Ábildınov