Qamqorlyǵy úshin alǵys bildirdi

Elbasy Nursultan Nazarbaevtyń atyna ál-Farabı atyndaǵy Qazaq ulttyq ýnıversıtetiniń rektory Ǵalymqaıyr Mutanovtan hat kelip tústi, dep habarlady Prezıdenttiń baspasóz qyzmeti. Elbasynyń atyna ál-Farabı atyndaǵy QazUÝ rek­torynan hat kelip tústi. Hat­ta ýnıversıtettiń bar­lyq mańyzdy jetistigi Qazaq­stan Prezıdentiniń basshy­lyǵymen eldiń táýelsizdik jyldaryndaǵy qarqyndy damýyna tikeleı baılanysty ekenine nazar aýdarylǵan. «Bul jyldary Qazaqstan álemdegi tanymal ári básekege qabiletti irgeli memlekettiń birine aınalyp, tıimdi ekonomıka qurý, azamattardyń ál-aýqatyn arttyrý, saıası demokratııalandyrý jáne halyqaralyq ıntegrasııa men jahandyq úderisterge kóshbasshylyq etý jolynda zor tabystarǵa qol jetkizdi» – delingen hatta. Ǵ.Mutanov ýnıversıtettiń álemdik bedeli artyp kele jatqanyna toqtaldy. «IýNESKO-nyń ál-Farabı atyndaǵy QazUÝ-di Ortalyq Azııa óńiri boıynsha hab retinde jáne turaqty damý máseleleri jónindegi jahan­dyq hab retinde moıyn­daýy osynyń dáleli sana­­lady. Ýnıversıtettiń mańyz­dy jetistigi – 2016 jyly bedeldi QS reıtıng agentti­gi­niń (Ulybrıtanııa) zertteý qo­rytyndysy boıynsha álem­niń úzdik TOP-250 ýnıver­sıtetteri qataryna enýi» – delingen hatta. Sondaı-aq, ýnıversıtet rektory halyqaralyq stan­darttarǵa sáıkes kele­tin basqarýdyń tıimdi júıe­siniń QazUÝ-de tabysty engizilgenin atap ótken. «Ýnıversıtette úde­ris­tik menedjment pen eńbek jetistigin reıtıngtik baǵa­laýǵa baǵyttalǵan bas­qarý júıesi engizildi. Álem­niń aldyńǵy qatarly ýnıver­sıtetteri úlgisimen QazUÝ-de halyqaralyq akkredıtasııa­dan ótken eksperımenttik bilim berý baǵdarlamalary ázir­lenip, qoldanysqa engi­zildi» – delingen hatta. Oqý ordasynyń basshysy memleket-jekemenshik serik­testigi arqasynda ýnıversı­tettiń birqatar bilim berý já­ne ınfraqurylymdyq nysan­darynyń qurylysy aıaqtal­ǵanyn atap ótken. «Mehanıka-matematıka, fızıka-tehnıka jáne hımııa fakýltetteriniń jańa oqý ǵımarattary, ál-Farabı ǵylymı kitaphanasy, Jas ǵalymdar úıi, «Keremet» stýdentterge qyzmet kórsetý ortalyǵy, medısınalyq dıagnostıkalyq ortalyǵy salyndy. Budan bólek, bıylǵy oqý jylynda D.Balandın atyndaǵy júzý basseıni jáne Stýdentter men túlekterdiń saltanatty qaqpasy ashyldy» – delingen úndeýde. Sońynda ýnıversıtet rektory oqý ornynyń ujymy atynan ýnıversıtetke kór­setken qoldaýy jáne otandyq bilim men ǵylymdy damytý máselelerine qam­qorlyǵy úshin Qazaqstan Prezıdentine alǵys bildirdi.