Keshe Qazaqstan Respýblıkasynyń Premer-Mınıstri Baqytjan Saǵyntaev UQShU Ujymdyq qaýipsizdik keńesi otyrysyna qatysý aıasynda Armenııa Respýblıkasynyń Premer-mınıstri Karen Karapetıanmen kezdesti. Bul týraly Qazaqstan Respýblıkasy Premer-Mınıstriniń resmı saıty habarlady.
Kezdesý barysynda taraptar saýda-ekonomıkalyq yntymaqtastyq, kóliktik júk qatynasy, ınvestısııalar, týrızm jáne 2017 jyly Qazaqstan-Armenııa bıznes-forýmyn ótkizý máselelerin talqylady. Sondaı-aq, B.Saǵyntaev pen K.Karapetıan EAEO aıasynda aldaǵy ózara is-qımyldyń perspektıvalaryn qarastyrdy.
Eske salsaq, keshe Qazaqstan Respýblıkasynyń Premer-Mınıstri B.Saǵyntaev Memleket basshysynyń tapsyrmasymen Ujymdyq qaýipsizdik týraly shart uıymynyń Ujymdyq qaýipsizdik keńesi otyrysyna qatysý úshin Erevanǵa barǵan bolatyn.