Bul týraly Aqparat jáne kommýnıkasııalar mınıstri Dáýren Abaev feısbýktegi paraqshasynda málimdedi, dep habarlaıdy «Egemen aqparat».
«15 qazanda biz elimizdiń Ulttyq brendin anyqtaý jónindegi baıqaýǵa ótinish qabyldaýdy aıaqtadyq. Jalpy, tamyzdyń 31-nen bastap 966 ótinim kelgen bolsa, solardyń 794-i daýys berý kezeńine jiberilip otyr. Meniń oıymsha, bul azamattarymyzdyń eldik máselege beı-jaı qaramaıtynyn kórsetti. Baıqaýǵa kásibı mamandarmen birge elimizdiń túkpir-túkpirinen jáne kórshiles memleketterden áýesqoı bezendirýshiler qatysty. Al búgin baıqaýdyń kelesi kezeńine ótetin jumystardy anyqtaý úshin SMS daýys berý bastalady», – dep jazdy mınıstr.
SMS joldaý tegin. Sol arqyly ózińiz qalaǵan bir ǵana jumysqa daýys bere alasyz.
Mınıstrdiń aıtýynsha, baıqaýdyń jumys toby daýys berýdiń kóptegen nusqasyn qarastyrdy. О́ıtkeni, 800-ge jýyq ótinimniń barlyǵyn jurt nazaryna teń dárejede usyný ońaıǵa túsken joq. Sondyqtan barlyq 794 jumysty olardyń rettiligi árbir qoldanýshy úshin ártúrli bolatyn tártippen ornalastyrylǵan.
О́zińizge unaǵan, ulttyq brendke osy laıyq degen jumysqa myna silteme arqyly daýys bere alasyz: http://mic.gov.kz/kk/competition/votes/1