2016 jyldyń 22-23 qazan kúnderi Qyzylorda qalasynda Qarmaqshy aýdanynyń qurmetti azamaty Bolatbek Súleımenovti eske alýǵa arnalǵan 1997-1998 jyldary týylǵan jastar arasynda dzıýdodan halyqaralyq týrnır ótedi, dep habarlaıdy Egemen-aqparat Qyzylorda oblystyq dene shynyqtyrý jáne sport basqarmasyna silteme jasap.
Bıyl 16-shy márte uıymdastyrylatyn dúbirli básekege elimizdiń on bir oblysynan jáne О́zbekstan, Qyrǵyzstan elderinen 250-ge jýyq tatamı sheberi 16 salmaq dárejesinde júldelerdi sarapqa salady.
Jarys uldar jáne qyzdar arasynda da 8 salmaq dárejesi boıynsha ótedi.
Týrnırdiń saltanatty ashylýy 22 qazan kúni saǵat 12.00-de «Evrazııa» sport kesheninde ótedi.