Petropavldaǵy túngi klýbtardyń biriniń janynda aýyr soqqyǵa jyǵylyp, soqqy saldarynan aýrýhanada jan tapsyrǵan basketbolshy Igor Nanaevtyń ólimine «Serpin-2050» baǵdarlamasy boıynsha bilim alyp jatqan jastardyń qatysy joq. Oblys ákiminiń birinshi orynbasary Aıdarbek Saparov Ortalyq kommýnıkasııalar qyzmetinde ótken brıfıngte osylaı dedi.
"Bul qylmystyq oqıǵaǵa «Serpin» baǵdarlamasy boıynsha bilim alyp jatqan jastardyń qatysy joq. Oblys ákimi, oblystyq Ishki ister departamenti qazir bul oqıǵany qadaǵalaýǵa aldy" dedi oblys ákiminiń birinshi orynbasary Aıdarbek Saparov.
Qazannyń 2-nen 3-ne qaraǵan túni Petropavlǵa jarysqa kelgen óskemendik basketbolshy túngi klýbtardyń biriniń janynda soqqyǵa jyǵylǵan bolatyn.