Qazaqstandyq boksshy Gennadıı Golovkın 2017 jyly tórt jekpe-jek ótkizýi múmkin. Bul týraly onyń promoýteri Tom Leffler málimdedi, - dep habarlaıdy Vesti.kz. "Golovkın týraly sóz qozǵaǵan saıyn biz mundaı bolýy múmkindigin joqqa shyǵarmaımyz, óıtkeni ol jattyǵýdy jáne judyryqtasýdy unatady. Men onyń 2017 jyly tórt kezdesý ótkizýi ábden múmkin dep aıta alamyn", - deıdi Leffler. Promoýterdiń sózinshe, Golovkın rıngke aqpan aıynda HBO arnasyna arnalǵan jekpe-jekte qaıta oralady. Sonymen birge, ol mamyr, maýsym, qyrkúıek jáne jeltoqsan aılarynda jekpe-jek ótkize alady.