Qazaqstan Dúnıejúzilik taý-ken kongresin ótkizedi

Rıo-de-Janeıroda ótip jatqan Dúnıejúzilik taý-ken kongresi aıaqtaldy. Osymen 24 ret ótkizilgen ha­­lyq­aralyq mańyzy zor sha­ra­ǵa Qazaqstan tarapy da qaty­syp, Investısııalar jáne damý mı­nıs­trliginiń jaýapty hatshysy Zamır Saǵynov arnaıy baıandama jasady. Dúnıejúzilik taý-ken kon­gresi álemdegi taý qoınaýyndaǵy tabıǵı baılyqty ıgerip otyrǵan el­derdiń basyn qosatyn uıym. Uıymǵa múshe elderdiń Qazaq­stanǵa degen qurmeti men qyzy­ǵýshylyǵy joǵary. Elimiz­degi jer­asty qazba baılyqtary men ken kózderiniń moldyǵy ıgerý­shi­lerdiń nazaryn aýdaratyny sóz­siz.Osy kongress barysynda azýyn aıǵa bilegen alpaýyt kompanııalarmen kelissózder jasaldy. Máselen, AngloAmerican, VALE, Bahia Mineracao sııaqty taý-ken óndirisindegi kóshbasshylar Qazaqstan naryǵyna kirip, ken kózderin birigip ıgerýge múddeli. Dúnıejúzilik kongresske «Atameken» ulttyq kásipkerler palatasy, «Kaznex Invest» AQ, «Kazgeologııa» kompanııasy jáne «Taý-Ken Altyn» seriktestiginiń ókilderi qatysyp, otandyq ken oryndarynyń jaı-kúıimen tanystyrdy. – Qazaqstan kezekti ret shaqy­rylatyn Dúnıejúzilik taý-ken kongresin Astanada ótki­zý már­tebesine ıe boldy. Jıyn­nyń qo­ry­tyndysynda biz­diń de­lega­sııaǵa Kongrestiń resmı es­ta­fetasy – «Maıly shyraq­ty» tabys etý rásimi jasaldy, – dedi Investısııalar jáne damý mınıs­trliginiń jaýapty hat­shysy Zamır Saǵynov. Qalmahanbet MUQAMETQALI, «Egemen Qazaqstan»   ALMATY