Qazandaǵy «Qamqorlyq» aılyǵy aıasynda «Qazaqstan alıýmınııi» AQ jumysshylary 3 myń zeınetkerdi quttyqtaıdy
Eýrazııalyq Top (ERG) quramyna kiretin «Qazaqstan alıýmınııi» AQ-ta ıgi ister marafony bastaldy. Kompanııa óndiris ardagerlerine qurmet kórsetýde. Jyl saıynǵy dástúrge saı, bıyl da zeınetker-alıýmınııshilerge syılyqtar tartý etti. Zaýyttyń sehtary men bólimshelerinde eńbek etken qarııalar dastarqanda bas qosyp, ótkendi eske aldy. Án salyp, bı bılep, túrli saıystarǵa qatysyp, kóńil kóterdi. Mysaly, gıdrometallýrgııalyq sehtyń 150 zeınetkeri, ardagerler keńesiniń belsendileri bıyl óz qatarlaryna taǵy da 6 zeınetkerdi qabyldady.
– Biz árbir ardagerge erekshe izetpen kóńil bólemiz. Kásiporyndaǵy túrli qıynshylyqtarǵa qaramastan, ıgi dástúrimiz osylaı jalǵasa beredi, – deıdi «Qazaqstan alıýmınııi» AQ prezıdenti Arman Esenjolov. – Bizdiń ardagerler – zaýyt tarıhynyń kýási. Olar bolashaq alıýmınııshi jastarǵa úlgi-ónege.
Kásiporyndaǵy ardagerlerge degen qamqorlyq qazan aıyndaǵy is-sharalarmen ǵana shektelmeıdi. Kásiporynda aǵa býyn ókilderin qoldaý maqsatyndaǵy keshendi baǵdarlama júzege asyrylady. Endi olarǵa únemi materıaldyq kómek kórsetilip, zamanaýı quraldarmen jabdyqtalǵan medısınalyq ortalyq óz qyzmetterin usynady. Máselen, úılerine jóndeý jumystaryn júrgizý, kómir men dári-dármek jetkizip berý sekildi kómekterden bólek, kompanııa eki alıýmınııshi – soǵys ardageri Evgenıı Lobzıýk, tyl eńbekkeri Margarıta Golovnevanyń kózine jasalatyn qymbat ota qarjysyn tóleıdi.
Sonymen qatar, qalyptasqan jyldaǵy dástúr boıynsha jaz aılarynda 246 zeınetker Baıanaýyl ulttyq parkindegi «Krıstall» jáne «Fakel» demalys úılerinde demalyp qaıtty. Al 130 zeınetker Astanany aralap, erekshe kóńil kúıge bólendi. О́ndiris orny áleýmettik jaýapkershilik turǵysynan joǵary korporatıvtik standarttarǵa súıenedi. О́ńirdegi basty kásipodaq komıteti retinde qazir zaýytta «Ardagerler uıymy» quryldy.
Farıda BYQAI,
«Egemen Qazaqstan»
PAVLODAR