Veterınarııalyq bilim berýdiń ınnovasııalyq baǵyttary

Qazaq ulttyq agrarlyq ýnıversıtetinde «Veterınarııalyq bilim boıynsha Halyqaralyq epızootııalyq bıýronyń jahandyq konferensııasy usynystaryn Ortalyq Azııa aýmaǵynda júzege asyrý týraly» taqyrybynda birinshi aımaqtyq keńes ótip, oǵan veterınarııaǵa baǵyttalǵan joǵary oqý oryndarynyń resmı ókilderi jáne Fransııa atynan Halyqaralyq epızootııalyq bıýronyń delegattary, TMD-nyń 11 memleketinen (Armenııa, Ázerbaıjan, Belarýs, Grýzııa, Qazaqstan, Qyrǵyzstan, Reseı, Tájikstan, Túrikmenstan, Ýkraına, О́zbekstan) ókilder qatysty. Jıyndy Qazaq ulttyq agrarlyq ýnıversıtetiniń rektory, akademık Tilektes Espolov ashyp, veterınarııa salasyndaǵy túıtkildi máselelerdi ortaǵa salyp, atalǵan baǵytta ýnıversıtet tarapynan atqarylyp jatqan ınnovasııalyq jobalar jaıyn baıandap, aldaǵy atqarylatyn is-sharalarǵa toqtaldy. Ol óz sózinde: «Búgingi tańda adamdardyń den­saýlyǵy men ómiri úshin veterınarlyq medısınanyń ma­ńyzdylyǵyn qaıta baǵalaý óte qıyn. Sebebi, adam men janýarlarǵa ortaq aýrýlar sany jyl saıyn artyp keledi, qorshaǵan orta faktorlary men dári-dármekterdiń áserine tózimdi vırýstar men mıkroorganızmderdiń jańa shtamdary paıda bolýda. «Medısına adamdy emdese, veterınarııa adamzatty emdeıdi!» degen qaǵıda bar. Sondyqtan, sapaly veterınarlyq bilim berý men bilikti maman daıyndaýdyń mańyzy óte joǵary. Veterınarlyq bilim berýdi damytýdyń ınnovasııalyq ádisterin talqylaý dál bizdiń oqý ornymyzda ótýiniń ózindik sebebi bar. Veterınarııa salasynda ­ma­man daıyndaýdy ýnıversıtet 1929 jyldan beri júrgizip keledi. Tek táýelsizdik alǵan jyldardyń ózinde ýnıversıtet qabyrǵasynan alty myńnan astam veterınar, veterınar-sanıtar dárigerler, magıstrler men PhD doktorlar túlep ushty. Ýnıversıtet Veterınarlyq medısına jáne Veterınarlyq sanıta­rııa ma­mandyqtary boıynsha úsh deńgeı­de bilim berý baǵdarlamasyn júzege asyrady.Ýnıversıtettegi Veterınarııa fakýlteti halyqaralyq ǵylym-bilim berý keńistiginde kóptegen tabystarǵa jetýde. Qos dıplom baǵdarlamasyn júz­ege asyrý boıyn­sha álemniń je­tek­shi joǵary oqý oryndarymen áriptestik baılanys damýda. Olardyń qatarynda Shyǵys Fınlıandııa ýnıversıtetiniń, Veterı­narlyq me­d­ısınanyń Ganno­ver ýnıversıteti, Ystanbul vete­rı­nar­lyq ýnıversıteti, Vagenıngen ýnıversıteti jáne t.b. bar», – degen ol ári qaraı oıyn damyta kele, oqý ornynyń bazasynda agro­tehnıkalyq HAB óz jumysyn bas­taǵanyn ol memlekettiń jáne je­ke­menshik sektordyń resýrstaryn bir arnaǵa shoǵyrlandyryp, ony el úshin paıdaly, perspektıvasy jo­ǵary jobalarǵa baǵyttaıtynyna toqtaldy. Ǵylymı basqosýda kóptegen má­seleler qarastyryldy. TMD el­derinde jáne Ortalyq Azııa aý­ma­ǵynda veterınarııalyq bilim be­rýdegi jaǵdaı taldanyp, sony­men qatar veterınarııalyq oqý oryndaryn bitirýshileriniń qu­zyr­ettiligine qoıylatyn Halyq­aralyq epızootııalyq bıýrosynyń usynystaryn qarastyrý jáne vete­rı­narııalyq bilim veterınarııalyq berý boıynsha Halyqaralyq epızootııalyq bıýrosynyń negizgi konseptýaldy baǵdarlamasyn usyný máselesi kóterildi, dep habarlady QazUAÝ-diń baspasóz qyzmeti.