Almatyda qala ákimi Baýyrjan Baıbektiń qatysýymen qysqy Ýnıversıadanyń bastalaýyna 100 qalǵanyna oraı uıymdastyrylǵan «Medeý» muz aıdynynda 2016-2017 qysqy jańa maýsymnyń ashylýy boldy. Bul jóninde QazAqparat habarlady.
«Búgin jaz kezinde konkımen syrǵanaýdy saǵynyp qalǵan myńǵa jýyq adam jınaldy. Men búgin barlyǵyńyzdy quttyqtaımyn» dedi Baýyrjan Baıbek.
Ákim Ýnıversıada-2017 Almatyny qysqy týrızmniń halyqaralyq ortalyǵy retinde tanytatynyn aıtty. Sonymen qatar ákim búgingi sharada Ýnıversıada elshileri: rejısser Nurtas Adambaı, shoýmen Murat Mutyrǵanov, baıker Dmıtrıı Pervýhınge halyqaralyq stýdentter sport saıynyń ókili dıplomyn tabys etti.
«Barlyǵyńyzdy Medeýdegi jańa maýsymnyń ashylýymen jáne Ýnıversıadanyń bastalýyna 100 kún qalǵanymen shyn júrekten quttyqtaımyn», - dedi Baýyrjan Baıbek.
Sondaı-aq ol muz aıdyny ákimshiligi kelýshilerge baǵa ózgermegenin, 1800 teńge bolyp qalǵanyn habarlady. Muz aıdyny seısenbi-jeksenbi kúnderi saǵat 10-00-den túngi 23-00-ge deıin ashyq bolady.
Tańǵy syrǵanaq saǵat 10-00-den 16-00-ge deıin, keshki 18-00-den 23-00-ge deıin.