QR Ishki ister mınıstri Q.N. Qasymovtyń tóraǵalyq etýimen ortalyq apparattyń jáne komıtettiń, óńirlerdegi qylmystyq-atqarý júıesi departamentteriniń basshylyq quramynyń qatysýymen kezekti alqa májilisi ótti.
Kún tártibindegi negizgi suraq QR IIM qylmystyq atqarý júıesiniń aǵymdaǵy jyldyń 9 aıynda atqarǵan jumystaryn talqylap, bolashaq mindetterdi sóz etti.
«Qylmystyq zańnamany izgilendirý jáne sottyń adamnyń bas bostandyǵyn shektemeı jaza qoldanýynyń nátıjesinde bas bostandyǵynan aıyrý oryndaryndaǵy adamdar sany azaıyp keledi. Máselen, aǵymdaǵy jyly olardyń sany 17 paıyzǵa, al sońǵy 5 jylda 30 paıyzdan paıyzdan astam qysqardy»,-delingen IIM baspasóz qyzmeti taratqan aqparattarda.
Qazirgi ýaqytta ishki ister organdarynyń probasııalyq baqylaýynda shamamen 22,5 myń adam esepte tur (2015 j.-12,3). Olarǵa arnap 30 797 jeke baǵdarlama quryldy. Onyń nátıjesinde 4 myń sottalǵan jumysqa turyp, 10 108 sottalǵanǵa medısınalyq kómek kórsetildi, 188-i bilim aldy. Probasııa qyzmetinde esepte turatyn adamdardyń qaıtalap qylmys jasaýy 7 paıyzǵa tómendedi.
IIM «Elektrondyq baqylaý júıesin qurý» Memlekettik-jeke menshik seriktestigi tujyrymdamasyn ázirledi, ol sottalǵandardyń turǵan jeri men olardyń is-áreketterin baqylaýǵa monıtorıng júrgizedi.
Qazirgi ýaqytta elimizdiń Parlament depýtattary «Probasııa týraly», «QR keıbir zańnamalyq aktilerine tolyqtyrýlar men ózgertýler engizý týraly» zań jobasy qarastyrýda.
Qylmystyq-atqarý júıesi mekemelerinde 104 oqý orny bar. Aǵymdaǵy oqý jylynda 1,2 myńnan astam sottalǵan attestat pen orta bilim alý týraly kýálik aldy. 3 myńǵa jýyq adam ártúrli jumysshy mamandyqtary boıynsha oqytyldy.
Alqa májilisi barysynda sottalǵandardyń jumyspen qamtylýynyń artqandyǵy týraly atalyp ótti. Tigin ónimderi, qurylys dúkenderi, metall jáne aǵash óńdeý, aýyl sharýashylyǵyna arnalǵan, azyq túlik jáne mal sharýashylyǵy ónimderi jolǵa qoıyldy. Aǵymdaǵy jyly 5 jańa óndiris túri ıgerildi.
Alqa májilisiniń qorytyndysy boıynsha mınıstrliktiń ortalyq apparaty jáne óńirlik departamentterdiń qyzmet basshylaryna qarastyrylyp otyrǵan máseleler boıynsha naqty tapsyrmalar berildi.