Qyzylorda oblysy Shıeli aýdanynda tamponajdy sement zaýytynyń qurylysy bastaldy. Qurylystyń irgetasyn qalaý rásimine Qyzylorda oblysynyń ákimi Qyrymbek Kósherbaev qatysty, dep habarlaıdy EgemenAqparat oblystyq ákimdikke silteme jasap.
«Sheteldik ınvestorlardy tartyp, aımaǵymyzda zaýyt qurylysyn bastap jatqan kásipkerlerge, sonymen qatar, aımaq ekonomıkasynyń damýyna eleýli úles qosqan Qazaqstannyń eńbek sińirgen qaıratkeri, elimizdiń maqtanyshy, ataqty balýan Dáýlet Bolatuly Turlyhanovqa, «Danake korporasııasy» JShS dırektory Gúlnár Smaǵulqyzy Turlyhanovaǵa, «Gejýba Grýpp» kompanııasy basshylyǵyna alǵysymdy bildirgim keledi», dedi ákim.
Aıta keteıik, «Gejýba-Shıeli sement kompanııasy» JShS jylyna 1 mln. tonna tamponajdy sement óndiretin bolady. Zaýyt qurylysy 2018 jyly aıaqtalady. Kásiporyn tolyqtaı iske qosylǵan kezde 300-ge jýyq adam jumyspen qamtylady. Memleket zaýyt qurylysy úshin aýmaǵy 46 gektardy qamtıtyn jer telimin bólip berdi.
Esterińizge sala keteıik, bıyl maýsym aıynda Jańaqorǵan aýdanynda reseılik «Globalnaıa bezopasnost» jabyq aksıonerlik qoǵamymen birlesip, qurylys sementin óndiretin zaýyt qurylysy bastalǵan bolatyn. Bul zaýyt ta 2018 jyly paıdalanýǵa beriledi dep josparlanýda.
[caption id="attachment_68629" align="aligncenter" width="560"] ????????????????????????????????????[/caption]