Belarýs elinde Ulttyq jınalystyń depýtattyq toby qalyptasýda. Ol Belarýs pen Qazaqstannyń yntymaqtastyǵyn retteıtin bolady. Bul týraly Qazaqstannyń Belarýstaǵy elishisi Erǵalı Bólegenovpen kezdesýinde Altynshy shaqyrylymnyń qaıta saılanǵan Ulttyq jınalysynyń palata tóraǵasy Vladımır Andreıchenko málimdedi. Kezdesý barysynda taraptar Qazaqstan-Belarýs qarym-qatynasynyń ózekti máselelerin talqylap, parlamentaralyq yntymaqtastyqty qarastyrdy. Eki eldiń odan ári yntymaqtastyǵyn halyqaralyq alańdarda nyǵaıtý mańyzdylyǵy atalyp ótti. Taraptar Eýrazııalyq ekonomıkalyq odaq múmkindikterin daǵdarysqa deıingi saýda-ekonomıkalyq yntymaqtastyqty qalpyna keltirýde qoldanýdy talqylady. Elshi atap ótkendeı, BUU Qaýipsizdik keńesiniń turaqty emes ókili retinde Qazaqstan 2017-2018 jyldarǵa arnalǵan Strategııalyq jumys josparyn ázirlep jatyr. Bul oraıda BUU-daǵy eki eldiń úılestirý múmkindikteri týraly, onyń ishinde halyqaralyq qaýipsizdikti qamtamasyz etý múmkindigin atap ótti. E.Bólegenov Qazaqstanda Táýelsizdiktiń 25 jyldyǵyna qatysty sharalar men «EKSPO-2017» Halyqaralyq mamandandyrylǵan kórmesin ótkizý barysy jáne qysqy Ýnıversıadaǵa daıyndyq týraly aıtyp berdi. Belarýs Parlamentiniń tómengi palata spıkeri óz kezeginde qazirgi tańda Ulttyq jınalystyń depýtattyq toby qalyptasyp jatqanyn, ol Belarýs pen Qazaqstannyń yntymaqtastyǵyn retteıtinin aıtty. Kezdesý aıasynda áńgimelesýshilerge QR Parlamenti Senatynyń spıkeri Q.Toqaev pen Parlament Májilisiniń tóraǵasy Nurlan Nyǵmatýlınniń qaıta saılanýǵa qatysty quttyqtaýlary tabystaldy.