Qaraǵandylyq stýdentter 3D prınterin jasap shyqty. Jas ǵalymdar osy zamanaýı qurylǵynyń kómegimen ınnovasııalyq jobalaryn iske asyrmaq. Stýdentter jasaǵan 3D prınter amerıkalyq balamadan jeti ese arzan turady. Aıtı-ortalyǵyna Qaraǵandy polıtehnıkalyq kolledjiniń barlyq stýdentteri qatysa alady. Munda olar baǵdarlama jasaýmen aınalysyp júr. Bul retteýshi tetikter kásiporyndarda óndiristi avtomattandyrý úshin aýadaı qajet. Sondaı-aq, bul qurylǵylar arqyly aqyldy baspanany basqarýǵa da bolady. Qazir polıtehnıkalyq kolledjde 16 mamandyq boıynsha 5 myń stýdent bilim alyp jatyr. Bes jyl buryn bilim oshaǵy dýaldy bilim berý júıesine kóshken bolatyn. Sonyń arqasynda túlekterdiń 80 paıyzy birden jumysqa ornalasa alady. "Bizdiń ortalyqta stýdentter oılap tapqan zamanaýı qurylǵylar kóp. Bizde avtomattandyrylǵan qoıma bar, onda tolyq kontroller arqyly jumys jasaýǵa bolady. Júk tasymaldaıtyn lıft bar. Qazirgi óndiris oshaqtarynda barlyq júıe avtomattandyrylǵan, sondyqtan bul oılap tapqan qurylǵylardy patenttep alýdy kózdep otyrmyz", deıdi qalalyq polıtehnıkalyq kolledji aqparattyq tehnologııalar boıynsha dırektorynyń orynbasary Ramazan Qalıev.