Azamattyq forým 2016 jylǵy 26 qarashada ótedi. Forýmǵa QR Prezıdenti Ákimshiliginiń basshylyǵy, QR Parlamenti depýtattary, QR ortalyq jáne jergilikti atqarýshy organ ókilderi, óńirlik jáne respýblıkalyq ÚEU, halyqaralyq uıymdar ókilderi, dıplomatııalyq mıssııalar basshylary, sarapshylar qaýymdastyǵy jáne BAQ ókilderi qatysady.
«Qazaqstanda memleket pen ÚEU-nyń ózara is-qımyly jalpyulttyq dıalog sheńberinde teń quqyly seriktestik qaǵıdalaryna qurylady, onyń basty tetikteriniń biri bolyp Azamattyq Forým sanalady», - dedi «Qazaqstannyń Azamattyq Alıansy» ZTB prezıdenti Nurlan Erimbetov.
Onyń aıtýynsha, forým barysynda áleýmettik ıdeıalar men jobalar jármeńkesi ótkiziledi. Ol áleýmettik máselelerdi sheshýdegi ınnovasııalyq tásilderdi anyqtaýǵa baǵyttalǵan. Jármeńke 15 qazan men 15 qarasha aralyǵynda alıans saıtynda ótedi. Jobanyń úzdik ıdeıasynyń avtory 1 mln teńge kólemindegi syılyqpen marapattalady.
VII Azamattyq forým baǵdarlamasy ÚEU jetistikteriniń kórmesi, azamattyq qoǵamnyń qazirgi jaǵdaıy men damý keleshegi týraly forýmynyń plenarlyq otyrysynan turady. Munda Qazaqstannyń ÚEU-nyń etıka kodeksin qabyldaý jáne usynystardy pysyqtaý josparlanýda.
Sonymen qatar, N. Erimbetovtyń aıtýynsha, Qazaqstannyń Azamattyq alıansy qoǵamdyq keńesterdi damytý jobalaryn iske qospaqshy. Joba óńirlik qoǵamdyq keńesterdiń qyzmetin jetildirý boıynsha olarmen seriktestik ózara is-qımyl jasaýǵa, halyqty qoǵamdyq keńester arqyly sheshimder qabyldaý úderisterine tartýǵa baǵyttalǵan.
«Biz úsh baǵyt boıynsha: arnaıy qurylǵan saıt www.kazkenes.kz arqyly - aqparattyq, qoǵamdyq keńester men ÚEU ókilderin oqytý arqyly jáne zańnama negizinde qoǵamdyq keńester qyzmetine monıtorıng júrgizý boıynsha qyzmet kórsetý arqyly qoǵamdyq keńesterge bilim berý, aqparattyq, quqyqtyq qoldaý kórsetýdi josparlaımyz»,- dedi N. Erimbetov.
Aıta ketý kerek, Qazaqstannyń Azamattyq forýmyn ótkizý jáne qoǵamdyq keńester jónindegi joba Azamattyq bastamalardy qoldaý ortalyǵynyń jáne QR Din isteri jáne azamattyq qoǵam mınıstrliginiń memlekettik granttary sheńberinde iske asyrylýda.