Qazaqstan Respýblıkasy Táýelsizdiginiń 25 jyldyǵyna oraı qarasha aıynyń 1-5 aralyǵynda Stepnogorsk qalasynda HII ulttyq delfı oıyndary ótedi. Qazaqstan TMD elderiniń ishinde Paradelfıı oıyndaryn ótkizetin bolady. Fortepıano, Skrıpka, Baıan/ Akkordeon, Ulttyq aspaptar (Dombyra, Prıma-qobyz, qyl-qobyz), akademııalyq án aıtý, dástúrli án aıtý, halyq bıi, zamanaýı bı, fotosýret, telejýrnalıstıka, qysqametrajdy kıno-beınerolıkter, ónertapqysh, kıim dızaıny, sándik-qoldanbaly óner, ymmen án oryndaý sheberligi, dı-djeı atalymdarynan bólek, oıynda erekshe qajettiligi bar jandar «Ym-ısharat tilinde án aıtý» jáne «horeografııa» nomınasııalary boıynsha baqtaryn synaıdy.
«Ulttyq Delfıı oıyndary komıtetiniń bastaýymen múmkindigi shekteýli jandar úshin mádenı baǵytta túrli is-sharalar uıymdastyrylatyn. Biraq, búginde ondaı sharany halyqaralyq arenaǵa shyǵarý ıdeıasy týyndap otyr. Erekshe qajettiligi bar jandarǵa arnalǵan baıqaýlar joq emes. Degenmen, olardyń barlyǵy tek arnaıy mamandandyrylǵan ortada ǵana uıymdastyrylatyny da shyndyq. Al, Delfıı oıynynda ondaı jandar qatarlarynan qalys qalmaı, barlyǵymen teń dárejede saıysqa túse alady. Aıta ketetini, TMD elderiniń ishinde Qazaqstan «Pradelfıılik» ıdeıasyn usynǵan alǵashqy memleket bolyp otyr», - deıdi Qazaqstandaǵy Ulttyq Delfıı komıtetiniń dırektory Quralaı Túspekova.
2005 jyldyń maýsym aıynda Qazaqstannyń Delfıılik komıteti zańdy tirkeýden ótip, 2006 jyldan beri jyl saıyn elimizde delfıı oıyndary ótkiziletindigin aıtqan bolatynbyz.