Qazaqstan Prezıdenti Nursultan Nazarbaev Islam damý bankiniń basshysy Bandar ben Muhammad Hadjarmen kezdesti. Taraptar Qazaqstan men Islam damý banki arasyndaǵy yntymaqtastyqtyń ózekti máselelerin talqylady, dep habarlaıdy Aqordanyń baspasóz qyzmeti.
Memleket basshysy elimizdiń ekonomıkasyn nyǵaıtýǵa jáne halqymyzdyń ál-aýqatyn arttyrýǵa Islam damý banki eleýli úles qosqanyn atap ótti.
– Qazirgi tańda biz «Astana» halyqaralyq qarjy ortalyǵyn qurýdamyz. Islam damý banki onyń qyzmetine atsalysatynyna senimdimin, – dedi Nursultan Nazarbaev.
Áńgime barysynda bank pen Qazaqstannyń ortaq jobalarynyń jalpy quny 1,3 mlrd dollardan asqany atap ótildi. 2015 jyly Islam damý banki quny 665 mln dollar bolatyn 4 jobany qabyldap alǵan.
Bandar ben Muhammad Hadjar bizdiń respýblıkamen tabysty yntymaqtastyq odan ári jalǵasyp, bank Qazaqstan ekonomıkasyn damytýǵa baǵyttalǵan jobalarǵa qatysa beredi dep úmittenetinin jetkizdi.