Halyqaralyq olımpıada komıteti 2008 jylǵy Olımpıada oıyndarynyń dopıng synamalaryn qaıta teksergennen keıin toǵyz sportshynyń jetistigin joqqa shyǵardy. Bul týraly QOK baspasóz qyzmeti habarlady.
Sportshylardyń jańa tiziminde erkin kúresten 84-96 salmaq dárejesinde kúmis júldeger Qazaqstan sportshysy Taımýraz Tıgıev te bar.
HOK-tyń tártiptik komıssııasynyń quramyna Denıs Osvald (tóraǵa), Gýnılla Lındberg men Ýgýr Erdener kirdi. Komıssııa Qazaqstannyń Ulttyq Olımpıada komıtetine qola júldeni, dıplomdy jáne Olımpıada sportshysynyń tós belgisin qaıtaryp berýin qamtamasyz etý jónindegi sheshim shyǵardy.
Tizimde bes medal ıegeri atap kórsetilgen. Olar: reseılik jelaıaq Ekaterına Volkova (qola medal), О́zbekstannan erkin kúresten Soslan Tıgıev (kúmis medal), Ýkraına aýyr atletshisi Olga Korbka (kúmis júlde), Belarýs sportshylary Anastasııa Novıkova (qola) men Andreı Rybakovlar (kúmis).
Jalpy alǵanda HOK-tyń eki márte tekserý qorytyndysy boıynsha 2008-2012 jylǵy Olımpıadaǵa qatysqan 98 sportshynyń synamasynan tyıym salynǵan zattar tabyldy. Sonyń ishinde ekinshi márte tekserý kezinde 23 júldegerdiń testi qorytyndysy boıynsha nátıje taza bolmaı shyqty.