Shortandy aýdanynyń turǵyny «Jumyspen qamtýdyń jol kartasy-2020» baǵdarlamasy arqyly gaz quıý stansasyn ashty, dep habarlaıdy QazAqparat tilshisi óńirlik kommýnıkasııalar qyzmetine silteme jasap.
Kəsipker Tatıana Hlýbnaıanyń aıtýynsha, «Jumyspen qamtýdyń jol kartasy-2020» baǵdarlamasyna qatysyp, nesıe almas buryn naryqty syrttaı zerttep kórgen. Sodan keıin ǵana baryp, jeńildetilgen mólsherlememen berilgen nesıege qajetti qondyrǵylar men sısterna satyp alyp ornatqan.
«Astana-Kókshetaý» tas jolynyń boıynda ornalasqan gaz quıý stansasyna kelýshiler kóp. Osynyń arqasynda kəsipker úsh adamdy jumyspen qamtyp, aldaǵy ýaqytta kəsibin keńeıtpek.
«Bastapqy da jobadan qaıtarym bolmaı qalama dep qoryqtym. Búgingi tańda benzın baǵasy arzanyraq. Gaz odan da arzan əri tıimdi. Sol sebepti, dittegen josparymyz durys bolyp, isimiz ońǵa basýda», - deıdi Tatıana Hlýbnaıa.
Aldaǵy ýaqytta isker áıel óńirlik kəsipkerler palatasynyń kómegimen bıznesin keńeıtýdi josparlap otyr.