Búgin, 27 qazanda elordada Newenergy global startup fest halyqaralyq baıqaýy ótedi, dep habarlaıdy egemen.kz "Habar 24" - ke silteme jasap. Sharaǵa qatysýǵa 45 elden 800-den astam ótinish túsken. Alaıda, 7 sarapshy olardyń ishinen 100 startap-komandany tańdap aldy. Endi olar ózara myqtyny anyqtaý úshin «jasyl» ekonomıka men balamaly energetıka salasyndaǵy jobalaryn tanystyrady. Saıys qorytyndysy boıynsha úzdik 5 joba irikteledi. Uıymdastyrýshylardyń aıtýynsha, ınvestorlar jas ónertapqyshtardyń jobasyn qarjylandyrýǵa nıet bildirgen. Aıta keteıik, halyqaralyq baıqaýǵa elimizden 5 startap komanda qatysady. "Qazaqstannan, shetelden ınvestorlar keledi. Shetelden 30 ınvestor keledi. Sol kisiler ózderine unaǵan jobalardy tańdap alyp, sol jobalarǵa ınvestısııa quıady degen oıdamyn", - deıdi «Munaı jáne gaz aqparattyq taldaý ortalyǵy» AQ bas dırektorynyń m.a. Asqar Munara.