2000
*1 qańtarda Qazaqstan Prezıdentiniń el halqyna jańa jyldyq quttyqtaýy «Egemen Qazaqstan» gazetinde jaryq kórdi. Quttyqtaýda: «Biz asa mándi tarıhı paryzymyzdy óteı bildik. San ǵasyrlyq syndardan qaıyspaı, azattyqty ańsaǵan halqymyz haqynda ádilettilikti qalpyna keltirip, bostandyqqa jetip, jańa myńjyldyqqa álemdik qoǵamdastyqtyń terezesi teń múshesi bolyp, qadam basqaly otyrmyz. Biz asa mándi azamattyq paryzymyzdy óteı bildik. О́zimizdiń arǵy-bergi babalarymyzdyń san urpaǵy armandap, sol jolda jan aıamaı kúresken táýelsiz memleketimizdi qalpyna keltirdik», – dedi Elbasy Nursultan Nazarbaev.
*5 qańtarda Almatyda Ortalyq Azııa ekonomıkalyq qoǵamdastyǵynyń birinshi sammıti ótti. Jıynda N.Á.Nazarbaevtyń Eýrazııalyq keńistikti qalyptastyrýǵa baılanysty jobasy qoldaý tapty.
*17 qańtarda Prezıdenttiń tóraǵalyq etýimen el táýelsizdiginiń 10 jyldyǵyna ázirliktiń barysyn talqylaǵan keńes ótti. Elbasy ár mınıstrlik pen vedomstvonyń, ár oblys pen ár aýdannyń táýelsizdik toıyna arnaıy baǵdarlamasy bolýy qajettigin atap kórsetti. Sondaı-aq, Elbasy 10 jyldyqqa ázirlik dańǵazanyń dúrmegimen emes, el dáýletin eseleıtin naqty eńbekpen ótýge tıistigin eskertti.
*27 qańtarda Premer-Mınıstr Q.Toqaev Davostaǵy Dúnıejúzilik ekonomıkalyq forýmnyń 31-otyrysyna qatysty. Forým aıasynda Q.Toqaev BUU Bas hatshysy Kofı Annanmen kezdesip, Qazaqstan Prezıdentiniń jeke joldaýyn tapsyrdy. Sondaı-aq, ol Dúnıejúzilik saýda uıymynyń Bas dırektory M.Mýrmen kezdesý barysynda DSU-ǵa múshe bolý Qazaqstannyń syrtqy saıasatyndaǵy basym baǵyt ekendigin jetkizdi.
*30 qańtarda Astanada ákimderdiń respýblıkalyq keńesi bolyp ótti. Keńeste sóz sóılegen Prezıdent Nursultan Nazarbaev Táýelsizdiktiń on jyldyǵy qarsańynda ekonomıkany órkendetý, halyqtyń turmysyn jaqsartý turǵysynda barlyq deńgeıdegi ákimderdiń aldyna qoıylatyn mindetterdi saralap berdi. Bul týraly «Egemen Qazaqstan» gazetiniń 31 qańtardaǵy nómirinde Nursultan Nazarbaev aıtqandaı, «Táýelsizdikti nyǵaıtý úshin kúres – elge tıgen úles» taqyrybymen kólemdi maqala jaryq kórdi.
*20 aqpanda Prezıdent N.Á.Nazarbaev Kýala-Lýmpýrde Malaızııa Premer-mınıstri M.Mohamadpen kezdesti. Kezdesý barysynda taraptar ekijaqty yntymaqtastyq jáne halyqaralyq máseleler aıasynda sóz qozǵady.
*1 naýryzda Prezıdent Nursultan Nazarbaev 1 shildeden bastap elde qosymsha qun salyǵy men áleýmettik salyq stavkasynyń tómendeıtinin, al jeke tulǵalardan alynatyn salyqtyń tabys mólsherine ekshelip esepteletinin málimdedi. Bul jaǵymdy jańalyq qalyń kópshiliktiń, ásirese, otan-
dyq kásipkerlerdiń kókeıindegisin dóp basyp, reformalardyń jemisti bolaryna degen halyq senimin arttyra tústi.
*6 naýryzda «Moskovskıı komsomoles» gazetinde TMD elderindegi ortasha aılyq jalaqy kórsetkishterin AQSh dollaryna shaǵyp kórsetken dıagramma jarııalandy. Qazaqstandaǵy ortasha aılyq jalaqy TMD-daǵy 9 eldiń eń joǵarǵysy boldy.
*7 naýryzda Memleket basshysy jańadan daıyndalyp jatqan Salyq kodeksinde otandyq buqaralyq aqparat quraldaryna, salyqqa, ásirese, qosymsha qun salyǵyna (NDS) qatysty jeńildikterdi aıqyndaý jóninde Úkimetke tapsyrma berdi. BAQ-tyń ekonomıkalyq turǵydan emin-erkin bolýy Qazaqstandaǵy baspasóz bostandyǵyn jan-jaqty nyǵaıtýdyń eń basty sharty, – dep atap kórsetti Nursultan Nazarbaev.
*15-16 naýryz kúnderi Ekonomıkalyq yntymaqtastyq uıymynyń Bas hatshysy A.Gavahı Qazaqstanda jumys saparymen boldy. Qonaqty Prezıdent N.Á.Nazarbaev jáne Premer-mınıstr Q.Toqaev qabyldady.
*30 naýryzda Nursultan Nazarbaevqa Halyqaralyq ınjenerler akademııasynyń prezıdentter keńesi bekitken «XX ǵasyrdyń asa kórnekti ınjeneri» qurmetti ataǵy berilgenin aıǵaqtaıtyn dıplom men úlken altyn medal tabys etildi.
*2 sáýirde Qazaqstan Prezıdenti Nursultan Nazarbaevtyń Norvegııa koroldigine resmı sapary bastaldy. Prezıdent Nursultan Nazarbaev pen premer-mınıstr Iens Stolpenberg munaı-gaz sektoryn, ony tasymaldaý men tranzıtteýdi, keme qurylysyn, jańa tehnologııalar salasyn, shaǵyn jáne orta bıznesti basym baǵyttarda birlese damytýǵa ýaǵdalasty.
*4 sáýirde Prezıdent Nursultan Nazarbaev resmı saparmen Lıtva Respýblıkasynyń astanasy Vılnıýske keldi. Lıtva prezıdenti Valdas Adamkýspen áńgime barysynda eki el yntymaqtastyǵyn sapalyq jańa deńgeıge kóterýge alǵyshart jasaıtyn birqatar mańyzdy máseleler boıynsha ýaǵdalastyqqa qol jetkizildi.
*6 sáýirde Almatyda el táýelsizdiginiń 10 jyldyǵyna arnalǵan «Jańa táýelsiz memleketterdegi prezıdenttik ınstıtýt» atty halyqaralyq konferensııa ótti. Konferensııaǵa qatysýshylar prezıdenttik ınstıtýttyń atqaryp otyrǵan ulan-ǵaıyr qyzmeti elimizdi ekonomıkalyq qıyndyqtardan alyp shyǵatyn berik tutqa ekendigin atap kórsetti.
*13 sáýirde Prezıdent Úkimet múshelerimen, oblys ákimderimen keńes ótkizdi. 2001 jylǵy birinshi toqsandaǵy jumystyń aldyn ala jasalǵan qorytyndylary týraly aıta kelip, Elbasy ótken jyldyń birinshi toqsanymen salystyrǵanda ishki jalpy ónim 10 paıyzǵa, ónerkásip ónimin óndirý – 11,1 paıyzǵa, aýyl sharýashylyǵynyń jalpy ónimi – 4,6 paıyzǵa, negizgi qorǵa jumsalǵan ınvestısııa 25,6 paıyzǵa óskenin, osy úsh aıdyń ishinde ınflıasııa 2,5 paıyzdy quraǵanyn atap kórsetti. Bul týraly «Egemen Qazaqstan» gazetiniń 14 sáýir kúngi nómirinde «Tártip joq jerde tabys ta joq» taqyrybymen kólemdi maqala jaryq kórdi.
*14 sáýirde Almaty oblysynyń ákimshilik ortalyǵy Almaty qalasynan Taldyqorǵan qalasyna kóshirildi.
*26 sáýirde Ystanbulda túrki tildes memleketter basshylarynyń VII sammıti bastaldy. Sammıtke Ázerbaıjannyń, Qazaqstannyń, Qyrǵyzstannyń, Túrikmenstannyń, Túrkııanyń prezıdentteri – Geıdar Alıev, Nursultan Nazarbaev, Asqar Aqaev, Saparmurat Nııazov, Ahmet Nedjdet Sezer jáne О́zbekstan Parlamentiniń basshysy Erkin Halılov qatysty. Basqosýda Qazaqstan Prezıdenti Nursultan Nazarbaev sóz sóıledi.