Gaıtı Respýblıkasynyń bıligi «Metıý» daýylynyń ekonomıkaǵa keltirgen shyǵyny 1 mlrd 89 mln dollarǵa jetip, eldegi jalpy ishki ónimniń besten bir bóligin quraǵanyn málimdedi, dep habarlaıdy egemen.kz Komsomolskaıa pravdaǵa silteme jasap.
Shyǵyndardy esepteýge Dúnıejúzilik banktiń mamandary tartylǵan. Daýyl eldegi eginniń 80 paıyzyn joıyp jibergen. Mamandar aýyl sharýashylyǵyna keltirilgen shyǵyndy 600 mln dollarǵa baǵalap otyr. Budan bólek, Gaıtı bıliginiń aldynda apat saldarynan baspanasyz qalǵan 175 myń adamdy qonystandyrý máselesi ótkir tur.
Eske sala keteıik, qazan aıynyń basynda Gaıtı aýmaǵymen «Mettıý» daýyly júrip ótti. Daýyl saldarynan shamamen 500 adam qaza tapty.