2017 jyldan bastap «0» synypta balalar álippeni oqıtyn bolady. Bul týraly Senat depýtattarymen ótken kezdesý barysynda QR Bilim jáne ǵylym mınıstri Erlan Saǵadıev aıtty, dep habarlaıdy Baq.kz.
«0» synypty 2019 jyldyń birinshi qyrkúıeginen engizý josparlanǵan edi. Biraq qazir ata-analar men ustazdardyń qalaýy boıynsha ony erterek, 2017 jyldan bastap qanatqaqty tártipte engizýdi kózdep otyrmyz. Ári qaraı qalaı iske asatynyn kóremiz. Mektepaldy daıarlyq tobyn mektepte de, balabaqshada da ótýge bolady. Nege? О́ıtkeni bizde barlyq mektepter osynsha kóp balany qabyldaýǵa daıyn emes. «0» synypta kúnine 3-4 sabaq 20-35 mınýttan bolady. Bul máseleler qazir qoǵammen talqylanyp jatyr», - dep habarlady E.Saǵadıev.
Mınıstrdiń aıtýynsha, naq osy «0» synypta álippe oqytylatyn bolady.
«Qazir álippe qaıda ketti dep jatyr ǵoı. Mektepaldy daıarlyq toptarynda balalar álippeni oqıdy. Bul durys», - dedi ol.