Qazaq kúresi QR Deneshynyqtyrý-sporttyq uıym retinde moıyndaldy. Bul týraly QR Prezıdent janyndaǵy QSZI dırektory Erlan Qarın óziniń áleýmettik jelidegi paraqshasynda málimdedi.
Aldaǵy jyly álem barysyn ótkizýdi josparlap otyrǵan Qazaq kúresi federasııasy búgin Ulttyq Olımpıada komıtetiniń arnaıy sertıfıkatyn aldy.
«Búgin ulttyq sportymyzda eleýli kún. Qazaqstan Respýblıkasy qazaq kúresi federasııasy resmı túrde Ulttyq Olımpıada Komıtetiniń taný týraly sertıfıkatyn aldy. Osylaısha federasııa ulttyq sport túri boıynsha Qazaqstan Respýblıkasynyń dene shynyqtyrý-sporttyq uıymy retinde tanyldy.
Búgin Ulttyq Olımpıada Komıtetiniń otyrysynda atalmysh uıymnyń atqarýshy dırektory Serik Qasqabasov taný týraly sertıfıkatty QR Qazaq kúresi federasııasyna tabystady.
Bul tól sportymyzdy jańa deńgeıge kóterýdegi taǵy bir ıgi qadam. Otandyq sportty kóterýde jáne ony halyqaralyq arenada bedelin arttyrýǵa jumys istep jatqan Olımpıada komıtetiniń qoldaýy ulttyq kúresimizge jańa qarqyn bermek» - dep jazady Erlan Qarın.