«Merlar beıbitshilikti qoldaıdy» bedeldi halyqaralyq uıymy 2020 jylǵa deıin ıadrolyq qarýdy joıýdy kózdeıtin «Arman 2020» atty kólemdi kampanııa uıymdastyrdy, dep habarlaıdy "24 Habar" arnasy.
Qazaqstan 1982 jyly qurylǵan «Merlar beıbitshilikti qoldaıdy» qozǵalysynyń aldyńǵy qatarynda keledi. Uıymnyń úılestirýshisi Rendı Raıdeldiń pikirinshe, BUU da qarýsyzdaný máseleleri boıynsha Qazaqstannyń amal-tásilderin qoldaıtyn ulttar qaýymdastyǵy qalyptasty. Álemniń barlyq aımaqtaryn qamtyǵan uıymnyń qatary kún saıyn artyp keledi. Raıdeldiń aıtýynsha, keıbir elder bul máseleni abstraktyly dep sanaıdy, al Qazaqstan bolsa, ıadrolyq qarýdyń barshaǵa qaýip tóńdirip turǵanyn aıqyn dáleldep berdi. - Iаdrolyq qarýdyń eń úlken arsenalyna ıe bolǵan jáne aýmaǵynda júzdegen ıadrolyq synaq ótken eldiń osyndaı sheshim qabyldaýy – batyl qadam. Sondyqtan Qazaqstannyń aty atalǵan máseleni qozǵaýǵa moraldyq turǵyda qaqysy bar. Qazaqstannyń naqty dáleldemeleri álem halyqtarynyń nazaryn osy baǵyttaǵy bastamalarǵa aýdaryp, qoldaý kórsetýge shaqyrady. El Prezıdenti – ıadrolyq qarýsyzdaný salasynyń shynaıy kóshbasshysy. Iаdrolyq qaýipsizdik, ıadrolyq qarýdy taratpaý jáne qarýsyzdaný salasynda atqarǵan Qazaqstannyń eleýli eńbekterin atap aıta kele, BUU-nyń Qaýipsizdik Keńesine saılanýymen quttyqtaımyn! Qaýipsizdik Keńesi jas memleketke kóptegen máseleni kóterýge múmkindik beredi, dedi «Merlar beıbitshilikti qoldaıdy» uıymnyń úılestirýshisi Rendı Raıdel.