Japonııa Úkimeti Ekinshi dúnıejúzilik soǵystan keıin engizilgen qarý-jaraq eksportyna qatysty shekteýlerdi alyp tastady. Jańa sheshimge sáıkes, endi Japonııa basqa memleketterge qorǵanysqa arnalǵan qarýdyń ózge de túrlerin eksporttaı alady, dep habarlaıdy Egemen.kz.
Osylaısha kúnshyǵys halqy 50 jylda alǵash ret shet memleketterge qarý satý erejelerin ózgertti. Buǵan deıin Japonııa tek gýmanıtarlyq nemese baqylaý maqsatyndaǵy jabdyqtardy ǵana shetelge shyǵara alatyn.
Sheteldikter Nazarbaev Ýnıversıteti mańyndaǵy páterde qarý-jaraq jasyrǵan: Polısııa aqparatty rastamady
Japonııa premer-mınıstri Sanae Takaıtı bul ózgerister eldiń zańnamasyna engizilgen túzetýler arqyly múmkin bolǵanyn málimdedi. Japonııa Úkimeti eksporttyq saıasattyń ózgerýi el ekonomıkasyn jandandyryp, Qytaı, Reseı jáne Soltústik Koreıa tarapynan kúsheıip otyrǵan qaýip-qaterlerge jaýap retinde qarastyrylyp otyrǵanyn atap ótti. El bıligi bul qadam álemdik saıası ahýalǵa baılanysty aımaqtyq qaýipsizdikti nyǵaıtýǵa baǵyttalǵanyn qajettilikten týyndaǵanyn jetkizdi.
Alaıda bul sheshim el ishinde synǵa ushyrady. Qoǵamnyń bir bóligi Japonııanyń soǵystan keıin qalyptasqan pasıfıstik ustanymdarynan alshaqtap bara jatqanyn aıtyp, alańdaýshylyq bildirdi. Saýalnama nátıjesine sáıkes, azamattardyń 53 paıyzy bul ózgeristi qoldamaıdy.
Japonııada 7,7 baldyq jer silkinisi tirkeldi
Qytaı tarapy da Japonııanyń sheshimine pikir bildirip, ony «jańa úlgidegi mılıtarızasııa» dep atap, muqııat baqylaý júrgizetinin málimdedi.