7 kollektorlyq agenttikte jalpy somasy 11,8 mıllıard teńgege kiristerdi asyra kórsetý faktileri anyqtalǵan. Bul týraly Memlekettik kirister komıteti málimdedi, dep habarlaıdy Egemen.kz.
Vedomstvonyń málimetinshe, tólenbegen qosylǵan qun salyǵy (QQS) 128 mıllıon teńgeni quraǵan. QQS boıynsha esepke tirkelmegeni úshin salyq tólemegenderge 1,6 mıllıon teńge kóleminde aıyppul eseptelgen.
Aqtóbede lısenzııasy joq lombard 93 mıllıon teńge tabys tapqan
«Budan bólek, uqsas belgileri bar taǵy 15 salyq tóleýshi anyqtaldy. Olarda kiristerdi asyra kórsetý kólemi 61,6 mıllıard teńgege, al boljamdy tólenbegen QQS somasy 7,4 mıllıard teńgege baǵalanyp otyr. Qazirgi ýaqytta atalǵan faktiler boıynsha tekserý jumystary jalǵasyp jatyr», delingen habarlamada.
Aqmola oblysynda mádenıet úıiniń esepshisi 58 mıllıon teńge jymqyrǵan
Komıtet málimetine sáıkes, jekelegen kollektorlyq agenttikter salyq salynatyn tabysty tómendetý shemalaryn qoldanǵan. Atap aıtqanda, agenttikter bankterden bereshekti nomınaldyq qunynan tómen baǵada satyp alyp, keıin boryshkerlerden óndirip alynǵan qarajatty keı jaǵdaılarda QQS-tan bosatylǵan operasııalar retinde kórsetken.