Elimizde avtomektepterdiń qyzmetine júrgizilgen tekserýler birqatar óreskel olqylyqty anyqtady. Ishki ister mınıstrligi zań talaptaryn buzǵan oqý toptarynyń jumysyn toqtatqanyn málimdedi, dep habarlaıdy Egemen.kz.
IIM aýmaqtyq bólimsheleri júrgizgen tekseris barysynda qazirgi tańda 727 avtomektep júrgizýshilerdi daıarlaıtyny belgili boldy. Alaıda olardyń qyzmetinde birqatar kemshilik anyqtalǵan. Atap aıtqanda, kóptegen avtodromdarda jol belgileri, jol tańbalary men jaryqtandyrý jetkiliksiz, al keıbir oqý kólikteri tehnıkalyq aqaýmen paıdalanylǵan.
Anyqtalǵan zańbuzýshylyqtardy joıý úshin 20 uıǵarym berildi. Sonymen qatar, 59 oqý uıymy júrgizýshilerdi daıarlaý kezinde mindetti tehnıkalyq tekserýden ótpegen jáne saqtandyrý polısi joq kólikterdi paıdalanǵany belgili boldy.
Tekserý nátıjesinde IIM Ákimshilik polısııa komıteti 701 oqý tobynyń qyzmetin toqtatty.
Ishki ister mınıstrligi jelide taraǵan jalǵan aqparatqa qatysty túsinikteme berdi
Vedomstvo málimetinshe, avtomektepterdiń esebi men oqý toptaryn tirkeý «Avtomektep» aqparattyq júıesi arqyly júrgiziledi. Bul júıe arqyly berilgen kýálikterdiń zańdylyǵyn, oqý baǵdarlamasynyń oryndalýyn jáne oqý kólikteriniń esebin onlaın rejımde tekserýge bolady.
Budan bólek, saladaǵy baqylaýdy kúsheıtý maqsatynda avtomektep ashý tártibin habarlamalyq júıeden ruqsat berý formatyna kóshirý usynylyp otyr. Sondaı-aq olardyń qyzmetine memlekettik baqylaý tetikterin engizý kózdelgen.
Osy baǵyttaǵy ózgeristerdi qamtıtyn «Jol júrisi týraly» zańǵa túzetýler engizý jónindegi zań jobasy Májiliste qaralyp jatyr.
Ishki ister mınıstrligi «Avtomektep» aqparattyq júıesin engizdi