Almaty oblysynda bes aı buryn Almaty – Jandosov – Besmoınaq tasjolynda bolǵan jol-kólik oqıǵasyna qatysty is qaralyp, sot úkimi shyǵaryldy, dep habarlaıdy Egemen.kz.
Oqıǵa saldarynan bútin bir otbasy zardap shekken. Qarsy baǵytta kele jatqan kólik júrgizýshisi jyldamdyqty asyryp, kólik shamyn qospaı júrgen. Sonyń nátıjesinde jol apaty bolyp, áke men onyń úsh kámeletke tolmaǵan balasy aýyr jaraqat alǵan bolatyn.
Qaraǵandy oblysynda jol apatynan eki adam qaza tapty
Jábirlenýshi Roman Smırnovtyń aıtýynsha, olardyń aman qalýyna kezdeısoq jaǵdaı sebep bolǵan. Onyń sózinshe, balalardyń biri aıaq-qolynan aýyr jaraqat alsa, úlken ulynyń jaq súıegi zaqymdanǵan.
«Eger ol kólik qarsy baǵytta týra kelgen bolsa men sol jerde qaza tabar edim. Jyldamdyq óte qatty boldy. Kishi ulymnyń eki aıaǵynyń tómengi bóligi synǵan. Úlken ulymnyń jaq súıegi zaqymdanǵan», dedi jábirlenýshi Roman Smırnov.
Qazirgi ýaqytta otbasy uzaq ońaltý eminen ótip jatyr. Otbasynyń áleýmettik jaǵdaıy nasharlaǵandyqtan, 80 mıllıon teńge kóleminde ótemaqy talap etken. Jábirlenýshi taraptyń advokaty aıyptalýshynyń ókinish bildirmegenin jáne keshirim suramaǵanyn atap ótti. Sondaı-aq ol aıyptalýshynyń óz jaǵdaıyn aýyr dep kórsetip, jaýapkershilikten jaltarýǵa tyrysyp otyrǵanyn jetkizdi.
Qostanaı oblysynda jol apatynan 4 adam qaıtys boldy
Tergeý barysynda kólik júrgizýshisiniń oqıǵa kezinde mas kúıde bolǵany anyqtalǵan. Sot úkimimen aıyptalýshy kináli dep tanylyp, 1 jyl 6 aıǵa bas bostandyǵynan aıyryldy. Sonymen qatar oǵan 10 jylǵa kólik basqarý quqyǵynan aıyrý jazasy taǵaıyndaldy. Jábirlenýshi taraptyń paıdasyna 35 mıllıon teńge moraldyq ótemaqy óndirildi.
Sot sheshimine qaramastan, jábirlenýshi otbasy ótemaqy mólsherin jetkiliksiz dep sanap, ony qaıta qaraýdy talap etip otyr.